مەملەكەتتىك كىرىستەر كوميتەتى جەر, كولىك جانە م ۇلىك سالىعى بويىنشا 250 ملن تەڭگەدەن اساتىن قارىزى جينالىپ قالعان, ءوسىمپ ۇلىن ەسەپتەن شىعارۋعا مۇمكىندىگى بار 100 ازاماتتىڭ ءتىزىمىن جاريالادى.
بۇل ازاماتتاردىڭ سالىق بويىنشا جالپى بەرەشەگى 263 845 620 تەڭگەنى قۇرايدى. ونىڭ ىشىندە نەگىزگى قارىزدىڭ ۇلەسى – 166 150 674 تەڭگە. 97 694 946 تەڭگە – ەسەپتەلگەن ءوسىمپۇلدار.
انتيرەيتينگ ءتىزىمىنىڭ باسىندا الماتى قالاسىنىڭ ازاماتى تۇر. ونىڭ تولەۋگە ءتيىس كولىك سالىعىنىڭ جالپى سوماسى 11 ملن تەڭگەگە جۋىق. بۇل سوما بويىنشا نەگىزگى قارىز – 6 314 141 تەڭگە. ال جيناقتالعان ءوسىمپۇل – 4 618 660 تەڭگەنى قۇرايدى, – دەپ حابارلادى. مەملەكەتتىك كىرىستەر كوميتەتىنىڭ ءباسپاسوز قىزمەتى.
جەر سالىعى بويىنشا بورىشى ەڭ كوپ ادام اقتوبە قالاسىندا تۇرادى. ول جالپى سوماسى 723 455 تەڭگە قارىزىن وتەگەن جاعدايدا 73 719 تەڭگە ءوسىمپ ۇلى وشىرىلەدى.
م ۇلىك سالىعى بويىنشا دا قارىزى قاۋعالانىپ قالعاندار از ەمەس. سالىقتىڭ بۇل ءتۇرى بويىنشا نۇرسۇلتاندىق تۇرعىن كوش باسىنان كورىنىپتى. ونىڭ جالپى قارىزى – 1 165 033 تەڭگە. نەگىزگى قارىز سوماسىن تولەگەن جاعدايدا 422 287 تەڭگە ءوسىمپ ۇلى ەسەپتەن شىعارىلماق.
بورىشكەرلەردىڭ تولىق ءتىزىم كوميتەتتىڭ رەسمي سايتىندا جاريالانعانىن ايتا كەتەيىك.
ەسكە سالا كەتەيىك, سالىقتىق راقىمشىلىق 2020 جىلدىڭ سوڭعى كۇنىنە دەيىن جالعاسادى. بەرەشەكتىڭ ورنىن تولتىرىپ, ءوسىمپۇلدى ەسەپتەن شىعارۋ ءۇشىن ازاماتتارعا ەشقايدا بارۋدىڭ قاجەتى جوق. بورىشتىڭ نەگىزگى سوماسىن تولەسە بولدى, ءوسىمپۇل اۆتوماتتى تۇردە ەسەپتەن شىعارىلادى. مەملەكەتتىك كىرىستەر ورگاندارىنىڭ بارلىق اۋماقتىق بولىمشەلەرىندە وسى ىسپەن اينالىساتىن ارنايى كوميسسيا بار.
ۆەدومستۆونىڭ ءباسپاسوز قىزمەتى حابارلاعانداي, الداعى ۋاقىتتا دا جاۋاپسىز سالىق تولەۋشىلەر ءتىزىمى جاريالانىپ تۇرادى.