جاڭا وقۋ جىلى قارساڭىندا "نازارباەۆ زياتكەرلىك مەكتەپتەرى" دەربەس ءبىلىم بەرۋ ۇيىمىنىڭ وكىلدەرى NIS ۇجىمىنىڭ اتىنان تۇركىستان وبلىسىنداعى سۋ تاسقىنىنان زارداپ شەككەن ەكى اۋىلدىڭ وقۋشىلارىنا سىيلىقتار تابىستادى, - دەپ حابارلايدى Egemen.kz.
ورگەباس اۋىلىندا العاشقىلاردىڭ ءبىرى بولىپ جاڭا مەكتەپ فورماسىن جانار مامرەجەپوۆا ولشەپ كوردى. سۇحبات بارىسىندا جانار سىنىپتاستارىمەن بىرگە ەلىمىزدىڭ بارلىق بالالارى ءبىلىم الۋدى ارماندايتىن نازارباەۆ زياتكەرلىك مەكتەپتەرى جۇيەسىنىڭ قولداۋىن ماقتان تۇتاتىنىن جەتكىزدى. بىرنەشە مارتە دايىندالعان سوزىنەن كەيىن جانار بارشا ۇستازدارى مەن اتا-انالاردىڭ الدىندا كۇتپەگەن بالا ارمانىمەن ءبولىستى, ءوزىنىڭ كۇلاش نوعاتايقىزى سەكىلدى پەداگوگ ءارى باسشى بولعىسى كەلەتىنىن ايتتى. بالالارعا سىيلىق تابىستاۋ بارىسىندا اسەرلى دە كوڭىلدى كۇتپەگەن ساتتەر كوپ بولدى. اسىرەسە, نزم وكىلدەرىن بالالارعا ولشەم بويىنشا تىگىلگەن كيىمدەردىڭ بىرنەشە ەر بالاعا ۇلكەن بولعاندىعى تاڭعالدىردى. كەيىن ولاردىڭ انالارى مەن اجەلەرى بالالاردىڭ ء"سال وسكەن كەزىندە" كيۋلەرى ءۇشىن شاقتاپ بىرنەشە سانتيمەترگە ۇزارتىپ ايتقاندارىن جاسىرمادى.
مامىرداعى تۇركىستان وبلىسىنىڭ ماقتاارال اۋدانىنداعى سۋ تاسقىنىنان كەيىن نازارباەۆ زياتكەرلىك مەكتەپتەرى جۇيەسىنىڭ ۇجىمى زارداپ شەككەندەرگە كومەك كورسەتۋ قورىنا قاراجات اۋداردى. قايىرىمدىلىق ناۋقانىنا بارلىق زياتكەرلىك مەكتەپتەردىڭ ۇستازدارى مەن قىزمەتكەرلەرى, ءتورت بىردەي ورتالىق - پەداگوگيكالىق شەبەرلىك, پەداگوگيكالىق ولشەۋلەر, اقپاراتتىق تەحنولوگيالار, سونداي-اق, ورتالىق اپپارات ءوز ۇلەستەرىن قوستى. ەكى اۋىلعا اتاۋلى كومەك كورسەتۋ تۋرالى شەشىم قابىلداندى: ورگەباس اۋىلىنداعى ق.امانجولوۆ اتىنداعى ورتا مەكتەپتىڭ جانە جەڭىس اۋىلىنداعى ق.مۇسىرەپوۆ اتىنداعى ورتا مەكتەپتىڭ وقۋشىلارىنا. سۋ تاسقىنىنان كەيىن ەكى مەكتەپتىڭ دە عيماراتتارى قاتتى زارداپ شەككەن, ورگەباس اۋىلىندا كۇردەلى جوندەۋ جۇمىستارى ءالى دە جالعاسۋدا, ال جەڭىس اۋىلىنىڭ وقۋشىلارى قاشىقتان وقىتۋ جۇيەسى اياقتالعان سوڭ جاڭا عيماراتتا ءبىلىم الاتىن بولادى.
ءاربىر اۋىلدا نازارباەۆ زياتكەرلىك مەكتەپتەرىنىڭ وكىلدەرىن بالالار تاعاتسىزدانا كۇتىپ, اتا-انالار زور قۋانىشپەن قارسى الدى.
شىمكەنت قالاسى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ ۇجىمى جانىن سالىپ, ۋاقىتپەن ساناسپاي سىيلىقتاردى بۋىپ-ءتۇيىپ, قوراپتاردى تيەپ-ءتۇسىرىپ جاتتى, ءتۇن ورتاسى مەكتەپتەردىڭ اۋلاسىن تارتىپكە كەلتىرىپ, بيلبوردتار ورناتىپ, الاڭداردى بەزەندىردى.
سانيتارلىق-ەپيدەميالوگيالىق جاعدايعا بايلانىستى سىيلىقتاردى تابىستاۋ بىرنەشە ۇستازدار مەن وقۋشىنىڭ, سونداي-اق, اتا-انالار كوميتەتىنىڭ وكىلدەرىنىڭ قاتىسۋىمەن شاعىن ورتادا ءوتتى.
ماقتاارال اۋدانىنىڭ اكىمى باقىت اسانوۆ نازارباەۆ زياتكەرلىك مەكتەپتەرىنىڭ جۇيەسى بالالارعا اتاۋلى جانە ءبىلىم الۋلارىنا تاپتىرماس قولداۋ كورسەتۋ ارقىلى قۋانىشقا بولەگەنىن ايتتى:
"مەكتەپ فورماسى, كومپيۋتەرلىك تەحنيكا جيىنتىعى, كوركەم جانە ادىستەمەلىك ادەبيەتتەر ءبىلىم بەرۋ سالاسىندا جاڭا وقۋ جىلى قارساڭىنداعى ەڭ ماڭىزدى كومەك. شالبارلار, پەنجاكتار, جەيدەلەر, جاكەتتەر, كەۋدەشەلەر – بارلىق مەكتەپ فورماسى وتاندىق تاۋاروندىرۋشىلەردى قولداۋ ماقساتىندا شىمكەنتتىك "SABTEX" جشس-دا تاپسىرىسپەن تىگىلدى", – دەيدى شىمكەنت قالاسى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ ديرەكتورى بالقان قاسىموۆ.
ورگەباس اۋىلىنداعى ورتا مەكتەپتىڭ ديرەكتورى داۋرەنبەك ابدىعالي بالالارعا ارنالعان نوۋتبۋكتار مەن مۇعالىمدەرگە ارنالعان ادىستەمەلىك ادەبيەتتەرگە ەرەكشە قۋاندى.
"مامىرداعى سۋ تاسقىنى, ارينە, بارشا ءوڭىر ءۇشىن سىناق بولدى, بىراق ارقايسىمىز ەلمەن ء«بىز بىرگەمىز» ەكەندىگىمىزدى جەتە تۇسىندىك, ال ورگەباس اۋىلىنىڭ ءبىلىم بەرۋ سالاسىنىڭ كوشباسشىسى نازارباەۆ زياتكەرلىك مەكتەپتەرىمەن دوستاسىپ ەرەكشە جولى بولدى. نزم-دە وقۋدى بالالار عانا ارماندامايدى, مۇعالىمدەر دە نزم جۇيەسىندە جۇمىس جاساۋدى ارمان ەتەدى", - دەدى داۋرەنبەك ابدىعالي.
ورگەباس اۋىلىنداعى ورتا مەتكەپتە التى بالاسى ءبىلىم الاتىن كوپ بالالى انا ايمان باتىربەكوۆانىڭ ءسوزى وتە اسەرلى بولدى.
"ۇلكەن بالام جاڭا وقۋ جىلىندا مەكتەپ تۇلەگى اتانباق, ال كەنجە بالام ءبىرىنشى سىنىپقا بارادى. زياتكەرلىك مەكتەپتەردىڭ ۇجىمىنا ناعىز ۇستازدارعا ىستىق سالەمىمدى جولدايمىن, ولار بارلىعىن ءسوزسىز تۇسىنەدى دەپ ويلايمىن", - دەدى ايمان باتىربەكوۆا.
ق.مۇسىرەپوۆ اتىنداعى ورتا مەكتەپتىڭ وقۋشىسى رۇستەم جاندوستىڭ اجەسى سارسەنكۇل اقتورەەۆا, كۇلاش نوعاتايقىزىن كۇلاش نوعاتاي ۇلى دەپ اتاپ بىرنەشە رەت جاڭىلىستى:
– قۋانىشتان سونداي تولقىپ تۇرمىن... ەلىمىزدىڭ تۇكپىر-تۇكپىرىنەن سان مىڭداعان بەيتانىس ادام ءبىز ءۇشىن قام جەپ, بالالارىمىز بەن نەمەرەلەرىمىزدىڭ وقۋىنا ەڭ قاجەت سىيلىقتار دايىندادى. قۋانىشىمدا شەك جوق.
"نازارباەۆ زياتكەرلىك مەكتەپتەرى" دەربەس ءبىلىم بەرۋ ۇيىمىنىڭ باسقارما ءتورايىمى كۇلاش ءشامشيدينوۆا وسىنشاما قيىندىقتىرعا قاراماستان ەلىمىز ءبىلىم بەرۋ سالاسىنا قولداۋ كورسەتىپ جاتقان كەزدە ءومىر جالعاساتىنىن ايرىقشا اتاپ ءوتتى.
ء"بىز بالالاردىڭ وقۋعا قالاي شابىتتانىپ, مەكتەپكە اسىققاندارىنا, اتا-انالاردىڭ بالالارى مەن نەمەرەلەرىنىڭ ءبىلىم الۋىن قالاي باعالايتىندارىنا كۋا بولىپ قايتتىق. ورگەباس جانە جەڭىس اۋىلدارىنداعى مەكتەپتەرمەن ىنتىماقتاستىقتى قولداۋدى جالعاستىراتىن بولامىز", - دەدى كۇلاش ءشامشيدينوۆا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.