ەلوردا تۇرعىندارىمەن كەزدەسۋلەر ازاماتتارمەن كەرى بايلانىستى كۇشەيتۋگە مۇمكىندىك بەرەدى. بۇل تۋرالى نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا جازدى, - دەپ حابارلايدى Egemen.kz.
“ازاماتتاردى ونلاي̆ن قابىلداۋ اپتا ساي̆ىن جۇرگىزىلەدى. بۇل "حالىق ۇنىنە قۇلاق اساتىن مەملەكەت" تۇجىرىمداماسى اياسىندا كەرى باي̆لانىستى كۇشەي̆تۋگە جانە قالا تۇرعىندارىنا اي̆تارلىقتاي̆ قولداۋ كورسەتۋگە مۇمكىندىك بەرەدى. تۇرعىندار ءتۇرلى ماسەلەلەردى كوتەرەدى, ولاردى جۇزەگە اسىرۋ ءۇشىن ءبىز جۇمىس ىستەپ جاتىرمىز. قالا شەتىندە جىلى ايالدامالار ورناتۋ, جولداردى اسفالتتاۋ, جارىقتاندىرۋ, كارىز جۇرگىزۋ, الەۋمەتتىك نىساندار سالۋ, اۋلا اۋماقتارىن اباتتاندىرۋ جانە ت. ب.
جاڭا وقۋ جىلىنىڭ باستالۋىن ەسكەرە وتىرىپ, ءبىلىم بەرۋ ماسەلەلەرى دە قارالادى. بيىل قامتىلعان بالالار سانىمەن بىرگە مەكتەپ قۇرالدارىن ساتىپ الۋعا بولىنەتىن قاراجات 40 مىڭ تەڭگەگە دەي̆ىن ءوستى. بۇل قاراجات از قامتىلعان وتباسىداعى ءار بالا الادى. مىسالى, وتباسىندا ءتورت بالا بولسا, جالپى 160 مىڭ تەڭگە بەرىلەدى. باسقا دا بىرقاتار قولداۋ شارالارى بار.
بۇعان دەي̆ىن ازاماتتاردى قابىلداۋ ءۇشىن قالا تۇرعىندارىنىڭ ەلەكتروندى كارتالارىنىڭ جۇي̆ەسى ازىرلەنىپ, ىسكە قوسىلعان بولاتىن. ساندىق جۇي̆ە ارقىلى تۇرعىندار كوتەرگەن ماسەلەلەردىڭ ورىنداۋ مارتەبەسىن كورىپ, باقىلاۋعا بولادى”, - دەپ جازدى ا. كولگىنوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.