قۇرمانعازى اۋدانىنداعى امانگەلدى اۋىلىنىڭ تۇسىندا رجاناۋ دەپ اتالاتىن ساي بار. وعان كوكتەمدە وزەن ارناسىنان اسقان سۋ قۇيىلىپ, كەيىن شاعىن كولشىك پايدا بولعان ەكەن. سول كولشىكتە قالعان شاباقتار قۇتقارىلدى.
«سازان, موڭكە بالىقتارىنىڭ شاباعىن قۇتقارۋ ءۇشىن شۇعىل شارالار قولعا الىندى. وعان جەرگىلىكتى اتقارۋشى ورگاننىڭ, ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ قىزمەتكەرلەرى مەن اۋىلدىڭ ەرىكتى جاستارى, سونداي-اق, «كاسپي بالىق», «امانگەلدى» سەرىكتەستىكتەرىنەن 60 ادام جۇمىلدىرىلدى. اتالعان سايدان شامامەن 3 ميلليونعا جۋىق شاباق قۇتقارىلىپ, قيعاش وزەنىنە جىبەرىلدى» -دەپ حابارلادى وڭىرلىك كوممۋنيكاتسيالار قىزمەتى.