«سەرگەك» كامەرالارى ورناتىلىپ, پوليتسەيلەر ءجىتى باقىلاۋ جاساسا دا جول ەرەجەسىن بۇزۋ ازايماي وتىر. كىنالىلەرگە 488 ملن تەڭگەدەن استام ايىپپۇل سالىنسا دا, ايىلىن جيار ەمەس.
«بيىل جىل باسىنان بەرى 57 993 جول قوزعالىسى ەرەجەسىن بۇزۋ دەرەگى تىركەلدى. ونىڭ 38 000-نان استامى اتىراۋ قالاسىندا انىقتالدى. جول قوزعالىسىن بۇزۋشىلاردىڭ اراسىندا كولىك قۇرالدارىن ماس كۇيىندە باسقارعان 467 جۇرگىزۋشى بار. ال, 2 285 جۇرگىزۋشى ۇيالى تەلەفوندىپايدالانسا, 17 483-ءى جىلدامدىقتى ارتتىرعان. جولدىڭ قارسى جولاعىنا 203 جۇرگىزۋشى شىعىپ, 547-ءسى جاياۋ جۇرگىنشىنى جىبەرمەي قويعان. قاۋىپسىزدىك بەلدىگىن تاقپاي, جولاۋشى تاسىمالداۋ ەرەجەسىن ساقتاماعان 5 063 جۇرگىزۋشى ۇستالدى» -دەپ حابارلادى دەپارتامەنتتىڭ ءباسپاسوز قىزمەتى.
جول ەرەجەسىن بۇزۋدان جاياۋ جۇرگىنشىلەر مەن باسقا قاتىسۋشىلار دا قالىسپايدى. ولاردىڭ كىناسىنەن 4 261 دەرەك تىركەلىپ وتىر. جول ەرەجەسىن بۇزۋشىلارعا 488 ملن 18 مىڭ 853 تەڭگە ايىپپۇل سالىنىپ, 344 ملن 403 مىڭ 606تەڭگەسى ءوندىرىلدى.