تابيعي مونوپوليالاردى رەتتەۋ كوميتەتى ءباسپاسوز قىزمەتىنىڭ حابارلاۋىنشا, اتىراۋ وبلىسىنىڭ بودەنە, ورلىك اۋىلدارىندا سۋدى تاراتۋشى جەلىلەر ارقىلى بەرۋ قىزمەتىنە تاريف تومەندەتىلدى.
«اگرو ستروي يندەر» جشس-نىڭ 2019 جىلدىڭ قورىتىندىسى بويىنشا تاريفتىك سمەتاسىنىڭ ورىندالۋىنا جۇرگىزىلگەن تالداۋ بارىسىندا ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ اتىراۋ وبلىسى بويىنشا دەپارتامەنتى «تابيعي مونوپوليالار تۋرالى» قازاقستان رەسپۋبليكاسى زاڭىنىڭ 26-بابىنىڭ 2-تارماعىنىڭ 15) تارماقشاسى, اتاپ ايتقاندا بەكىتىلگەن تاريفتىك سمەتانى ورىنداۋ تالابىنىڭ ساقتالماعاندىعىن انىقتادى.
2019 جىلعا «اگرو ستروي يندەر» جشس-نىڭ يندەر اۋدانى سۋدى تاراتۋشى جەلىلەر ارقىلى بەرۋ جونىندەگى رەتتەلىپ كورسەتىلەتىن قىزمەتى بويىنشا ۇلتتىق بانكتىڭ قايتا قارجىلاندىرۋ مولشەرلەمەسىن قوسا ەسەپتەگەندەگى نەگىزسىز الىنعان تابىسىنىڭ سوماسى بودەنە اۋىلى بويىنشا – 4 744 480 تەڭگە; ورلىك اۋىلى بويىنشا – 7 061 760 تەڭگەنى قۇرايدى.
وسىعان سايكەس, دەپارتامەنت وسى جىلدىڭ 1 قازانىنان باستاپ, «اگرو ستروي يندەر» جشس-نە ۋاقىتشا وتەمدىك ءتاريفى ققس-سىز بودەنە اۋىلى بويىنشا تەكشە مەترىنە 240,93 تەڭگە نەمەسە قولدانىستاعى تاريفپەن سالىستىرعاندا 21,9%-عا تومەندەتۋمەن, ورلىك اۋىلى بويىنشا تەكشە مەترىنە 184,34 تەڭگە نەمەسە قولدانىستاعى تاريفپەن سالىستىرعاندا 21,9%-عا تومەندەتۋمەن ەنگىزەدى.
اتىراۋ وبلىسىنىڭ يساتاي اۋدانىندا بىرقاتار قىزمەتتەرگە تاريفتەر تومەندەتىلدى. «قامىسقالا سۋ ارناسى» جشس-دا 2019 جىلدىڭ قورىتىندىسى بويىنشا بەكىتىلگەن تاريفتىك سمەتانى ورىنداۋ تالابىن ساقتاماعان.
2019 جىلعا «قامىسقالا سۋ ارناسى» جشس-نىڭ يساتاي اۋدانىنا رەتتەلىپ كورسەتىلەتىن قىزمەتتەرى بويىنشا ۇلتتىق بانكتىڭ قايتا قارجىلاندىرۋ ستاۆكاسىن قوسا ەسەپتەگەندەگى نەگىزسىز الىنعان تابىسىنىڭ سوماسى: اققىستاۋ, جانباي, تۇششىقۇدىق, زينەدەن ەلدى مەكەندەرى بويىنشا تاراتۋشى جەلىلەرى ارقىلى سۋدى بەرۋ – 12 893 290 تەڭگە; اققىستاۋ اۋىلى سارقىندى سۋلاردى بۇرۋ – 1 843 810 تەڭگە; يساتاي اۋدانىنا جىلۋ ەنەرگياسىن ءوندىرۋ, بەرۋ, ءبولۋ جانە جابدىقتاۋ – 664 530 تەڭگەنى قۇرايدى. وسىعان سايكەس, دەپارتامەنت بيىل جىلدىڭ 1 قازاننان باستاپ, «قامىسقالا سۋ ارناسى» جشس-نىڭ رەتتەلىپ كورسەتىلەتىن قىزمەتتەرىنە ۋاقىتشا وتەمدىك ءتاريفى ققس-سىز اتالعان اۋىلدار بويىنشا تاراتۋشى جەلىلەرى ارقىلى سۋدى بەرۋدى تەكشە مەترىنە – 202,32 تەڭگە نەمەسە قولدانىستاعى تاريفپەن سالىستىرعاندا 13%, سونىڭ ىشىندە حالىققا – 200,2 تەڭگە نەمەسە قولدانىستاعى تاريفپەن سالىستىرعاندا 13%, باسقا تۇتىنۋشىلارعا 399,60 تەڭگە نەمەسە قولدانىستاعى تاريفپەن سالىستىرعاندا 13%-عا تومەندەتۋمەن, ال اققىستاۋ اۋىلى سارقىندى سۋلاردى بۇرۋ تەكشە مەترىنە 115,71 تەڭگە نەمەسە قولدانىستاعى تاريفپەن سالىستىرعاندا 6%, سونىڭ ىشىندە حالىققا – 110,9 تەڭگە نەمەسە قولدانىستاعى تاريفپەن سالىستىرعاندا 6%, باسقا تۇتىنۋشىلارعا 226,83 تەڭگە نەمەسە قولدانىستاعى تاريفپەن سالىستىرعاندا 6%-عا تومەندەتۋمەن بەرىلمەك. سونداي-اق يساتاي اۋدانىنا جىلۋ ەنەرگياسىن ءوندىرۋ, بەرۋ, ءبولۋ جانە جابدىقتاۋ – 4548,80 تەڭگە/گكال نەمەسە قولدانىستاعى تاريفپەن سالىستىرعاندا 9,94%-عا تومەندەتۋمەن ەنگىزەدى.