بۇل تۋرالى ەكونوميكانىڭ ناقتى سەكتورىنداعى كاسىپورىندار اراسىندا جۇرگىزىلگەن ساۋالناما ناتيجەسىندە بەلگىلى بولدى. ەكىنشى توقساننىڭ قورىتىندىلارى بويىنشا, قۇرىلىستى قوسپاعاندا, بارلىق سالالارداعى كاسىپورىندار اراسىندا باسەكەلەستىكتىڭ ءوسۋى بايقالعان. بۇل جاڭالىقتى ۇلتتىق بانك جۇرگىزگەن ساۋالناما ناتيجەلەرى دالەلدەيدى, دەپ حابارلايدى Egemen.kz ۇلتتىق بانكتىڭ سايتىنا سىلتەمە جاساپ.
توقسان سايىنعى ساۋالناماعا تاۋ-كەن ءوندىرىسى جانە وڭدەۋ ونەركاسىبىنىڭ, قۇرىلىس, ساۋدا, كولىك جانە قويمانىڭ 2,5 مىڭعا جۋىق كاسىپورنى قاتىستى.
ساۋالناماعا سايكەس, ەكىنشى توقساندا قۇرىلىستى قوسپاعاندا, بارلىق سەكتورلار ءۇشىن باسەكەلەستىكتىڭ ماڭىزى ارتىپتى. ساۋدا نارىقتىق باسەكەلەستىكتىڭ ەڭ كوپ زارداپ شەككەن سالاسى بولىپ قالا بەرگەنمەن, ونىڭ ۇلەسى بۇرىنعىداي 39,6% قۇرايدى, ال تاۋ-كەن ءوندىرىسى سالاسىنداعى كورسەتكىش 12,2%. قالعان سالالاردا كورسەتكىش 22% مەن 30% تەربەلىپ تۇر.
قاڭتار-ماۋسىمدا قازاقستان ەكونوميكاسىنىڭ ءىجو 1,8% تومەندەدى. توتەنشە جاعداي جانە شەكتەۋلى كارانتيندىك شارالاردى ەنگىزۋ اياسىندا قىزمەت كورسەتۋ سالاسى ەڭ كوپ زارداپ شەكتى. ونىمگە سۇرانىستىڭ تومەندەۋى بيزنەستى جۇرگىزۋگە تاعى ءبىر كەدەرگى بولىپ وتىر.
"II توقساندا قارالىپ جاتقان بارلىق سالالاردا وسى جىلدىڭ ءبىرىنشى توقسانىندا باستالعان كاسىپورىنداردىڭ ونىمىنە سۇرانىستىڭ تومەندەۋ ءۇردىسى جالعاسۋدا, ەڭ از تومەندەۋ وڭدەۋ ونەركاسىبىندە بايقالدى. III توقساندا سۇرانىستىڭ ودان ءارى تومەندەۋى مۇمكىن. بىراق ول قالىپتى جاعدايدا تومەندەيدى", دەدى ۇلتتىق بانكتىڭ اقشا-كرەديت ساياساتى دەپارتامەنتىنىڭ ديرەكتورى جاندوس شايماردانوۆ,
ساۋالناماعا سايكەس, الداعى 12 ايدا بارلىق سالالارداعى قارجىلاندىرۋ وزگەرىسسىز قالادى. نەگىزگى اينالىم كوزى - بۇل ءالى دە كاسىپورىنداردىڭ ءوز قاراجاتى. رەسپوندەنتتەر رەسەي ءرۋبلىن شەتەلدىك سەرىكتەستەرمەن ەسەپ ايىرىسۋدا قولدانىلاتىن نەگىزگى ۆاليۋتا دەپ اتادى. ەڭ الدىمەن, ءرۋبلدى ءوندىرىس كاسىپورىندارىنىڭ 62,1% پايدالانادى ەكەن. ساۋدادا - 56%. ال كەن ءوندىرۋ ونەركاسىبىنىڭ اقش دوللارىنا دەگەن ىقىلاسى جوعارى. پايىزبەن ەسەپتەسەك – 61,7%. ەكىنشى توقساندا ەڭ كوپ تەڭگە تاۋ-كەن ءوندىرىسى جانە وڭدەۋ كاسىپورىندارى قولداندى (تيىسىنشە 17,6% جانە 17,3%).
سونىمەن بىرگە, ساۋالناما جۇرگىزگەن كومپانيالار تەڭگەنىڭ اقش دوللارىنا جانە رەسەي رۋبلىنە قاتىستى باعامىنىڭ وزگەرۋىنىڭ تەرىس اسەرىنىڭ تومەندەگەنىن اتاپ ءوتتى.
ەكىنشى توقساندا قۇرىلىس كومپانيالارى مەن كولىك جانە قويما ونەركاسىبى بانكتىك زاەمدارعا قول جەتىمدىلىكتىڭ تومەندەپ كەتكەنى بايقالادى.
نەسيەلىك شارتتارى قولايسىز كاسىپورىنداردىڭ كوپشىلىگى قۇرىلىس سالاسىنا قاتىستى (17,8%). بۇل سالادا تەڭگەمەن دە, شەتەل ۆاليۋتاسىمەن دە الىنعان نەسيەلەر بويىنشا ەڭ جوعارى پايىزدىق مولشەرلەمەلەر بار (تيىسىنشە 13,4% جانە 8,3%).
قارىز الۋعا نيەت بىلدىرگەن كاسىپورىنداردىڭ ەڭ كوپ ۇلەسى 2020 جىلدىڭ ءۇشىنشى توقسانىندا وڭدەۋ ونەركاسىبىندە جانە ساۋدادا بايقالدى (تيىسىنشە 20,9% جانە 18,3%), ال ەڭ ازى تاۋ-كەن ونەركاسىبىندە (7,4%).