بۇل كۇندەرى مەگاپوليستە ەپيدەميالىق احۋال تۇراقتانعانىمەن, كوپتەگەن مەكەمە مەن كاسىپورىن جۇمىسىنىڭ قايتا جاندانۋى ىندەتتىڭ قايتا ورشۋىنە اكەلىپ سوقتىرۋى عاجاپ ەمەس. ءومىر وسى ارناسىنان اۋىتقىماۋى ءۇشىن مەگاپوليستە اتقارىلىپ وتىرعان شارالار لەگى از ەمەس. سونىمەن الماتىدا "COVID-19 ۆيرۋسىن جۇقتىرعاندار ناۋقاستاردى اۋرۋحاناعا جاتقىزۋ جانە اۋرۋدى باسقارۋ مودەلى" تانىستىرىلدى, دەپ حابارلايدى Egemen.kz
COVID-19 ۆيرۋسىن جۇقتىرعان ناۋقاستاردى اۋرۋحاناعا جاتقىزۋ جانە اۋرۋدى باسقارۋ مودەلى الداعى جاعدايدى بولجاۋ جانە اۋرۋحاناعا جاتقىزۋ جۇيەسىن باسقارۋ ءۇشىن جاسالعان.
باعدارلاما دەنساۋلىق ساقتاۋ جۇيەسىنىڭ بارلىق دەڭگەيىنە نەگىزدەلەدى جانە ناۋقاستاردى ستاتسيونارلارعا دۇرىس ءبولۋدى كوزدەيدى. بۇل پروتسەسستەگى نەگىزگى رەتتەۋشى جەدەل مەديتسينالىق كومەگى بولىپ تابىلادى, ولار شاقىرۋ تۇسكەن سوڭ-اق اۋرۋدىڭ اۋىرلىق دارەجەسىن انىقتاپ, ەگەر اۋرۋدىڭ جەڭىل ءتۇرى بولسا ناۋقاستاردى ەمحانالارعا جىبەرىپ, ال ينفەكتسيانىڭ قيىن ءتۇرى بولعان جاعدايدا اۋرۋحاناعا جاتقىزۋى كەرەك.
قازىرگى تاڭدا الماتى قالاسىندا 6000 توسەك-ورىن اشىلعان, ونى تاعى دا 1000 توسەك-ورىنعا ارتتىرۋ جوسپاردا بار. بۇل رەتتە, اۋرۋدى باسقارۋ مودەلىنە سايكەس, دەنساۋلىق ساقتاۋ جۇيەسىندەگى قۇلدىراۋ (كوللاپس) كەزىندە تاۋلىگىنە 500 ادام اۋرۋحاناعا جاتقىزىلۋى مۇمكىن. ال ستاتسيونارلار 70% تولىق بولعاندا قاتاڭ شەكتەۋ شارالارىن ەنگىزۋ قاجەتتىلىگى تۋىندايدى.
"6000 توسەك-ورىن بولعاندىقتان ءبىزدىڭ مىندەت تاۋلىگىنە اۋرۋحاناعا تۇسەتىن ادامدار سانىن 350-دەن ارتىققا جەتكىزبەۋ. بۇل وتە ماڭىزدى, ويتكەنى ەگەر اۋرۋحاناعا تۇسكەن ناۋقاستار سانى كوبەيگەن كەزدە ۋاقتىلى شارالار قابىلدانباسا, وندا جۇيە قۇلدىراۋى (كوللاپس) مۇمكىن. ياعني, اۋرۋحاناعا تۇسەتىندەر سانى كۇنىنە 500-گە دەيىن جەتۋى مۇمكىن, بۇعان ءبىز جول بەرمەۋىمىز قاجەت. بۇل ستاتسيونارلارداعى ءبىزدىڭ ارىپتەستەرىمىز ءۇشىن اۋىر جۇكتەمە بولماق جانە توسەك-ورىن رەزەرۆتەرى, ارينە, شەكسىز ەمەس", دەپ اتاپ ءوتتى كامالجان نادىروۆ.
ستاتسيونارلاردىڭ قابىلداۋ مۇمكىندىگىن باقىلاۋ ءۇشىن اۋرۋلاردى باسقارۋ مودەلى بويىنشا ءبىر توسەك اۋىسىمى جانە بوس توسەك-ورىن قورىنىڭ تۇراقتى مونيتورينگى جاسالادى. سونىمەن قاتار, كوروناۆيرۋس ينفەكتسياسى بار ناۋقاستارعا ساپالى مەديتسينالىق كومەك كورسەتۋ ءۇشىن توسەك اۋىسىمى ايىنا 3 ادام دەڭگەيىندە بولۋى كەرەك.
كامالجان نادىروۆ: "ستاتسيونارلار 70% پايىزعا تولىق بولعان كەزدە ءبىز اۋرۋحاناعا جاتقىزۋ دەڭگەيىن تومەندەتۋگە جانە ىڭعايلى جاعدايدا جۇمىس ىستەۋگە مۇمكىندىك بەرەتىن قاتاڭ شەكتەۋ شارالارىن ەنگىزۋگە ءماجبۇر بولامىز. بۇل ستاتسيونارلىق دەڭگەيدە ساپالى ەمدەۋ مۇمكىندىگىن بەرەدى. مۇنداي جاعدايدا شەكتەۋ شارالارى ىڭعايلى, بۇل دەگەنىمىز كاسىبىمىزدىڭ تۇتاستاي جابىلماۋعا, بىراق بەلگىلى ءبىر شەكتەۋلەر جاعدايىندا جۇمىس ىستەۋگە مۇمكىندىك. ياعني, ەكونوميكالىق بەلسەندىلىكتى قالپىنا كەلتىرەدى", دەيدى ول.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.