ەلەكتروندىق كوممەرتسيانى دامىتۋ اياسىندا قازاقستاندىق كومپانيالار Alibaba, Ebay, Amazon جانە Wildberries كومپانيالارىمەن كەلىسسوزدەر جۇرگىزۋدە. بۇل تۋرالى ۆەدومستۆو باسشىسى باقىت سۇلتانوۆ حالىق الدىندا ەسەپ بەرۋ كەزدەسۋىندە ايتتى, - دەپ حابارلايدى Egemen.kz.
ءمينيستردىڭ ايتۋىنشا, 42 قازاقستاندىق برەند Alibaba-دا ۇسىنىلعان, تاعى 3 كومپانيا ۆيترينالار دايىنداۋدا. سونداي-اق 21 قازاقستاندىق كومپانيا Wildberries-تە ساۋدا جاسايدى. 2022 جىلدىڭ سوڭىنا دەيىن Wildberries كومپانياسى قازاقستاندا ينۆەستيتسيالىق جوبانى ىسكە اسىرادى. نۇر-سۇلتان جانە الماتى قالالارىندا شامامەن 5 مىڭ جۇمىس ورنى قۇرىلىپ, الاڭى 100 مىڭ شارشى مەترلىك لوگيستيكالىق ورتالىقتار سالىنادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.