جاقىندا شىعىس قازاقستان وبلىسى اكىمىنىڭ ءبىرىنشى ورىنباسارى ەرمەك كوشەرباەۆ اقپارات قۇرالدارى وكىلدەرىمەن بريفينگ وتكىزىپ, كەندى التايداعى سەرپىندى جوبالار, يندۋستريالاندىرۋ كارتاسىنا ەنگەن قۇرىلىستاردىڭ جاي-كۇيى, «بيزنەستىڭ جول كارتاسى-2020» باعدارلاماسىنىڭ ورىندالۋى, جالپى ەكونوميكا جايلى ويلارىن ورتاعا سالدى.
جاقىندا شىعىس قازاقستان وبلىسى اكىمىنىڭ ءبىرىنشى ورىنباسارى ەرمەك كوشەرباەۆ اقپارات قۇرالدارى وكىلدەرىمەن بريفينگ وتكىزىپ, كەندى التايداعى سەرپىندى جوبالار, يندۋستريالاندىرۋ كارتاسىنا ەنگەن قۇرىلىستاردىڭ جاي-كۇيى, «بيزنەستىڭ جول كارتاسى-2020» باعدارلاماسىنىڭ ورىندالۋى, جالپى ەكونوميكا جايلى ويلارىن ورتاعا سالدى.
– ەلباسى ن.نازارباەۆ جاقىندا عانا ەل ەكونوميكاسىن العا باستايتىن سەرپىندى جوبالاردىڭ ورىندالۋىنىڭ كوپ رەتتە ءسوز جۇزىندە قالىپ قوياتىنىن, شىن مانىندە, تۇساۋى كەسىلگەن كەيبىر عيماراتتاردىڭ جۇمىس ىستەمەيتىنىن سىن تەزىنە الدى. ابىروي بولعاندا, مۇنداي كەمشىلىكتەر بىزدە ورىن العان جوق, سىننان قورىتىندى شىعارۋ ءۇشىن رەزەرۆتەر مەن مۇمكىندىكتەردى ءتيىمدى پايدالانعاندا عانا دىتتەگەن مەجەدەن شىعا الامىز, – دەدى وبلىس اكىمىنىڭ ءبىرىنشى ورىنباسارى.
قازاقستاننىڭ يندۋستريالاندىرۋ كارتاسىنا وڭىردەن جالپى قۇنى 651,8 ميلليارد تەڭگە بولاتىن 53 ينۆەستيتسيالىق جوبا ەنگىزىلدى. ەگەر بۇل جوبالار ىسكە اسقاندا جاڭادان 25 مىڭ جۇمىس ورنى اشىلادى ەكەن. 2010 جىلدىڭ باسىنان 2013 جىلدىڭ ءبىرىنشى جارتىجىلدىعىنا دەيىن جالپى قۇنى 197,9 ميلليارد تەڭگەنىڭ 33 ينۆەستيتسيالىق جوباسى پايدالانۋعا بەرىلىپتى. وسى ۋاقىت ىشىندە 8,2 مىڭ جۇمىس ورنى اشىلعان. وڭىردەگى ءتۇستى مەتاللۋرگيانىڭ الىپتارى – «كازتسينك», «وسكەمەن تيتان-ماگني كومبيناتى», «ءۇلبى مەتاللۋرگيا زاۋىتى», «شىعىس قازاقستان ماشينە جاساۋ زاۋىتى» اق-تار مەن باسقا دا بىرقاتار كاسىپورىنداردا ۇدەمەلى جوبالار جۇزەگە استى. «ازيا-اۆتو» زاۋىتىنىڭ كەڭ اۋقىمدى قۇرىلىسى باستالدى. ءوڭىر باسشىسى ب.ساپارباەۆتىڭ تاپسىرماسىمەن جاڭا زاۋىتتىڭ قۇرىلىس الاڭىنا 306 گەكتار جەر تەلىمى ءبولىنىپ, ول جەردە 600 ميلليون تەڭگەنىڭ قۇرىلىس-مونتاج جۇمىستارى اتقارىلماق. قازىر زاۋىتتا كولىكتەردىڭ 20-دان استام ءتۇرى شىعارىلۋدا. ول تولىق قۋاتىنا ەنگەندە كاسىپورىندا 12 مىڭ ادام جۇمىسقا تارتىلىپ, وبلىس بيۋدجەتى جىل سايىن ميللياردتاعان تەڭگەمەن تولىعىپ وتىرماق. وسىدان بىرەر كۇن بۇرىن وڭىرگە قارجى جانە اۋىل شارۋاشىلىعى مينيسترلەرى ب.جامىشەۆ پەن ا.مامىتبەكوۆ كەلىپ, ەلىمىزدەگى تۇڭعىش قۇس ەتىن تەرەڭدەتىپ وڭدەيتىن جاڭا زاۋىتتىڭ اشىلۋىنا قاتىستى. بۇل جوبا دا ەلىمىزدىڭ يندۋستريالاندىرۋ كارتاسىنا ەنگەن. قۇس ەتىن وڭدەۋ ارقىلى ودان شۇجىقتىڭ جۇزدەن استام ءتۇرى شىعارىلىپ, ونى كورشى مەملەكەتتەرگە ەكسپورتقا شىعارۋ مىندەتى تۇر.
ە.كوشەرباەۆتىڭ ايتۋىنشا, اعىمداعى جىلى 8 جوبا جۇزەگە اسىپتى. اتاپ وتەرلىك جايت, يننوۆاتسيالىق ءونىم ءوندىرۋ بويىنشا ايماق ەل كولەمىندە ءبىرىنشى ورىندى يەلەنگەن, سەبەبى, مۇندا ەلىمىز بويىنشا ءونىمنىڭ تورتتەن ءبىرى شىعارىلادى ەكەن. جىل باسىنان بەرى 105 مىڭ شارشى مەتر باسپانا پايدالانۋعا بەرىلدى. بيىل ىسكە قوسىلعان 11 الەۋمەتتىك نىساننىڭ ىشىندە 7 مەكتەپ, مادەني ورتالىق, سپورت مودۋلدەرى, ەمحانا مەن اۋرۋحانالار بار.
وڭداسىن ەلۋباي,
«ەگەمەن قازاقستان».
وسكەمەن.