2013 جىلعى 24 قازاندا استانا ۆوكزالىنان «جولاۋشىلار تاسىمالى» اق جاساقتاعان «تۇلپار-تالگو» ۆاگوندارىنان قۇرالعان «استانا-اتىراۋ» باعىتىنداعى №19/20 «اتىراۋ» جۇردەك پويىزىنىڭ ەكىنشى قۇرامى اتتاندى.
2013 جىلعى 24 قازاندا استانا ۆوكزالىنان «جولاۋشىلار تاسىمالى» اق جاساقتاعان «تۇلپار-تالگو» ۆاگوندارىنان قۇرالعان «استانا-اتىراۋ» باعىتىنداعى №19/20 «اتىراۋ» جۇردەك پويىزىنىڭ ەكىنشى قۇرامى اتتاندى.
جاڭا پويىزدىڭ قاتىناۋ مەرزىمدىلىگى – كۇنارا. استانادان اتىراۋعا دەيىنگى جول 22 ساعات 57 مينۋتتى, اتىراۋدان استاناعا دەيىنگى ۋاقىت 22 ساعات 15 مينۋتتى قۇرايدى.
پويىزدىڭ جاڭا قۇرامى 27 ۆاگوننان تۇرادى, ونىڭ 22-ءسى جولاۋشىلار تاسىمالداۋعا بەيىمدەلگەن, 2-ءۋى «گراند» ساناتتى (ەكى ورىندىق ليۋكس), 2-ءۋى «بيزنەس» ساناتتى (ەكى ورىندىق) جانە «تۋريست» ساناتتى ء(تورت ورىندىق) 18 جولاۋشى ۆاگونى. سونداي-اق, 3 تەحنيكالىق, 1 ۆاگون بار مەن 1 مەيرامحانا ۆاگونى بار.
«گراند» ساناتتى ۆاگونداردىڭ ءبىرى مۇمكىندىگى شەكتەۋلى ازاماتتارعا ارنالعان جانە كەز كەلگەن بيىكتىكتەگى پلاتفورمادان ۆاگون ىشىنە ەنۋگە مۇمكىندىك بەرەتىن ارنايى كوتەرگىش قۇرىلعىمەن جابدىقتالعان. كۋپەدە دۋش, سانيتارلىق جەلى, ارنايى جابدىقتالعان ەسىكتەر, جولسەرىكتى شاقىرۋ نۇكتەسى قاراستىرىلىپ, جولاۋشىلاردى وتىرعىزۋ جانە ءتۇسىرۋگە ىڭعايلاندىرىلىپ ءدالىزدەر كەڭەيتىلگەن.
«تۇلپار-تالگو» ۆاگوندارى جوعارى جايلىلىققا, جەڭىل كونسترۋكتسياعا يە جانە قازاقستاننىڭ اۋا رايى ءوزگەشەلىكتەرىنە بەيىمدەلىپ, قازىرگى زاماننىڭ زاماناۋي تەحنولوگيالارىن پايدالانۋ ارقىلى جاسالعان. «تۇلپار-تالگو» ۆاگوندارى ەنەرگيامەن قامتاماسىز ەتەتىن ورتالىق جۇيە, اۋا باپتاعىشپەن, قاۋىپسىزدىكتى باقىلاۋدىڭ ەلەكتروندى جۇيەسىمەن قامتىلعان.
اتاپ وتەر جايت, جۇردەك باعىتتاردىڭ جىبەرىلۋى جولداعى ۋاقىتتى 1,5 ەسەگە قىسقارتادى. №19/20 پويىزدىڭ جىبەرىلۋى استانا ستانساسىنان اتىراۋعا دەيىنگى جولدى (1 839 كم.) 33 ساعاتتان 22 ساعاتقا قىسقارتادى.
«ەگەمەن-اقپارات».