پرەمەر-مينيستر مەملەكەت باسشىسىنا ەلىمىزدىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرى تۋرالى باياندادى. بۇل تۋرالى Egemen.kz اقوردانىڭ ءباسپاسوز قىزمەتىنە سىلتەمە جاساپ حابارلايدى.
پرەزيدەنتكە تۇرعىنداردى جۇمىسپەن قامتۋ, كاسىپكەرلىك سۋبەكتىلەرىن قولداۋ, كۇزگى جيىن-تەرىم جۇمىستارىن ۇيىمداستىرۋ, جاڭا وقۋ جىلىنا دايىندىق جونىندە بەرىلگەن تاپسىرمالاردىڭ ورىندالۋ بارىسى تۋرالى اقپارات بەرىلدى.
سونىمەن قاتار كەزدەسۋدە ەپيدەميولوگيالىق جاعدايدى تۇراقتاندىرۋ جانە كارانتين تالاپتارىن بىرتىندەپ جەڭىلدەتۋ ماسەلەلەرى ءسوز بولدى.
مەملەكەت باسشىسى كەزدەسۋ قورىتىندىسى بويىنشا ۇكىمەتكە بىرقاتار ناقتى تاپسىرما بەردى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.