شەتەل ەكسترەميستەرىمەن بىرگە اسكەري ارەكەتتەرگە قاتىسۋ ءۇشىن ەل اسىپ كەتكەن ءوز ادامدارىمىز ازاماتتىعىنان ايرىلۋى مۇمكىن. بۇل تۋرالى Total.kz حابارلادى.
«بوەۆوە براتستۆو» جەرگىلىكتى سوعىس پەن اسكەري قاقتىعىستار ارداگەرلەر وداعىنىڭ پرەزيدەنتى سەرگەي پاشەۆيچتىڭ پايىمداۋىنشا, لاڭكەستىك ارەكەتتەرگە ارالاسۋ ماقساتىندا شەتەلگە كەتكەن وتانداستارىمىزدى مەملەكەت قولداۋىنان ايىرىپ, وتانعا ورالۋلارىنا جول بەرمەۋ كەرەك.
«قازاقستاندىقتاردىڭ سيرياعا قالاي ءوتىپ كەتكەنى جانە ولاردىڭ نە ءۇشىن ولىمگە باس تىككەندەرى ازىرگە بەلگىسىز بولىپ وتىر. سونداي-اق ەندى ول جاقتاعى ازاماتتار ەلىمىزگە قاۋىپ ءتوندىرۋى مۇمكىن دەگەن پىكىر بار. سەبەبى, ونداعى سوعىسقا قاتىسىپ كەلگەن ادامدار دايىن كىسى ءولتىرۋشى بولىپ ەسەپتەلەدى. ولاردىڭ ەلگە قانداي پيعىلمەن ورالاتىندارى دا بەلگىسىز», – دەپ ءتۇسىندىردى سەرگەي پاشەۆيچ.
س. پاشەۆيچ ءسوز ورايىندا , شەت ەل اسىپ كەتكەن راديكالدى كوزقاراستاعى ادامداردى رايىنان قايتارۋ مۇمكىن ەمەستىگىن, بۇل ماسەلەدە ەڭ دۇرىس شەشىم ولاردى ازاماتتىعىنان ايىرۋ قاجەتتىگىن اتاپ ءوتتى.
ايدار ورىسباەۆ.