الماتى وبلىسىنىڭ ءتارتىپ ساقشىلارى ۇكىمەت قاۋلىسىنا سايكەس ارمەنيادان اكەلىنگەن كولىكتەردى ۋاقىتشا تىركەۋگە رۇقسات بەرىلگەن مەرزىمنىڭ اياقتالۋىنا ساناۋلى كۇن عانا قالعانىن اتاپ ءوتتى, – دەپ حابارلايدى Egemen.kz Polisia.kz سايتىنا سىلتەمە جاساپ.
"قازىرگى ۋاقىتتا مامانداندىرىلعان حالىققا قىزمەت كورسەتۋ ورتالىقتارىندا ارمەنيادان اكەلىنگەن كولىكتەردى ۋاقىتشا تىركەۋگە الۋ جۇرگىزىلىپ جاتىر. ەلىمىزدە تىركەلمەگەن شەتەلدىك كولىكتى مەملەكەتتىك تىركەۋگە قويۋ ءۇشىن بىرەگەي مۇمكىندىكتىڭ اياقتالۋ مەرزىمى 1 قىركۇيەككە دەيىن عانا, ياعني ساناۋلى كۇندەر عانا قالدى. مەملەكەت ۇسىنعان مۇمكىندىكتى ۇتىمدى پايدالانىپ, 301 اۆتوكولىك يەسى تەمىر تۇلپارىنىڭ قۇجاتتارىن راسىمدەدى", – دەدى الماتى وبلىسى پد اكىمشىلىك پوليتسيا باسقارماسىنىڭ باستىعى داۋلەت مولداحانوۆ.
جول ساقشىلارىنىڭ مالىمەتى بويىنشا وسى ءساتتى پايدالانىپ, كولىگىن تىركەمەگەن ساناۋلى عانا شەتەلدىك اۆتوكولىك يەلەرى قالعان. قازىرگى ۋاقىتتا اتالعان شەتەلدىك تىركەۋدەگى اۆتوكولىكتەر مەن ولاردىڭ يەلەرىنىڭ مەكەنجايىن انىقتاۋ شارالارى قابىلدانۋدا.
ءوز كەزەگىندە, الماتى وبلىسىنىڭ پوليتسەيلەرى تۇرعىنداردى قاۋلى تالاپتارىنا سايكەس كەلەتىن اۆتوكولىكتەرىن ۋاقىتشا تىركەۋگە قويۋ مۇمكىندىگىن پايدالانۋعا شاقىرادى. ويتكەنى, كۇزدىڭ العاشقى كۇنى تىركەۋ توقتايتىنىن ەسكەرگەن ابزال.
ەستەرىڭىزگە سالا كەتەيىك, مەملەكەت باسشىسىنىڭ تاپسىرماسىنا وراي قابىلدانعان قر ۇكىمەتىنىڭ 2020 جىلعى 20 مامىرىنداعى №306 قاۋلىسىنا سايكەس ارمەنيا رەسپۋبليكاسىنان اكەلىنگەن كولىكتەردى ەلىمىزدە ۋاقىتشا تىركەۋگە قويۋ ماسەلەسى بىرىزدەندىرىلگەن بولاتىن. اتالعان قۇجاتتا ۋاقىتشا تىركەۋ مەرزىمى 2020 جىلدىڭ 1 ماۋسىمىنان 1 قىركۇيەگىنە دەيىن دەپ كورسەتىلگەن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.