مادەنيەت جانە سپورت ءمينيسترى اقتوتى رايىمقۇلوۆا قازاقستاندىقتاردى سپورت كۇنى مەرەكەسىمەن قۇتتىقتادى, - دەپ حابارلايدى Egemen.kz.
"ەلىمىزدە اتاۋلى مەرەكە 2003 جىلى 15 قاراشادا ەلباسى نۇرسۇلتان ءƏبىش ۇلى نازارباەۆتىڭ جارلىعىنا سəيكەس تامىز ايىنىڭ ءۇشىنشى جەكسەنبىسى بولىپ بەكىتىلگەن بولاتىن.
دانا حالقىمىز ەجەلدەن دەنساۋلىقتى ءبىرىنشى بايلىققا بالاپ, قادىرىن جەتە تۇسىنگەن. ەل ازاماتتارىنىڭ دەنى ساۋ, ويى سەرگەك بولۋى ءۇشىن بۇقارالىق سپورتتى دامىتۋ ماقساتىندا ءبىرشاما باعدارلاما قولعا الىنىپ, ارنايى زاڭ جوباسى قابىلدانىپ جاتىر. سپورتپەن تۇراقتى شۇعىلدانۋدى ناسيحاتتاۋ ءبىزدىڭ كەزەك كۇتتىرمەس ماقساتىمىز دەپ بىلەمىن. سالاۋاتتى ءومىر سالتى əر ادامنىڭ كۇندەلىكتى ءومىرىنىڭ نەگىزگى ءبىر بولشەگىنە اينالسا, دەنساۋلىق ساقتاۋ سالاسىنا تىڭ سەرپىن بولماق.
سپورت - ەل ابىرويىن اسقاقتاتاتىن, ۇلتتى ۇيىستىراتىن عالامات قۇبىلىس. بۇگىندە قازاقستان əلەمدىك قاۋىمداستىققا ءدۇبىرلى دودالاردا اتوي سالىپ جۇرگەن سپورتشىلارىمەن تانىلىپ كەلەدى.
الداعى ۋاقىتتا دا جۇيەلى جۇمىس پەن قىرۋار شارۋا جەمىسىن بەرىپ, اتلەتتەرىمىز بيىك بەلەستەردى باعىندىرا بەرسىن.
بۇگىنگى مەرەكە قارساڭىندا وسى كولەمدى جۇمىستى جەڭىلدەتۋگە اتسالىسىپ كەلە جاتقان سپورت جۋرناليستەرىنە جəنە وزگە دە ماماندارعا العىس ايتامىن.
بارشاڭىزعا زور دەنساۋلىق, تولايىم تابىس تىلەيمىن!", - دەپ جازىلعان قۇتتىقتاۋ حاتىندا.