قاي ەلدەرگە شىعۋعا رۇقسات بەرىلگەن؟

Worldometers حالىقارا­لىق ستاتيستيكالىق سايتتىڭ مالى­مەت­تەرىنە سايكەس, قازىرگى ۋاقىتتا Covid-19 اۋرۋىنا شال­دىققان 18,7 ميلليوننان اس­تام ادام ايقىندالعان. كوپتەگەن ەلدەر اۋرۋدىڭ ۇدە­مەلى كەزەڭى­نەن وت­كەن. كەيبىر ەلدەر شەتەل ازاماتتارىنا شەكا­راسىن اش­قان, ال كەيبىرى اشۋعا دايىندا­لۋدا.

قازاقستاندىقتار شەتەلگە تەك دەمالۋ ماقساتىندا شىق­پاي­دى. مىسالى, ءىسساپارى, جا­قىن­دارىن كورۋ, ەمدەلۋ نەمەسە الەۋمەتتىك كومەك كور­سەتۋ جوس­پارلانۋى مۇمكىن. وسىعان وراي, Freedom Finance Life ءومىردى ساقتاندىرۋ كومپانياسى زەرتتەۋ جۇرگىزىپ, جازدىڭ سوڭىنا دەيىن قازاق­ستاندىقتارعا بارۋعا تى­يىم سالىنعان ەلدەردى, ءبىزدىڭ تۋريستەردى بەلگىلەنگەن ەرە­جە­لەرگە سايكەس قابىلدايتىن ەل­­دەردى, سونىمەن قاتار شەكاراسىن تولىق, سونىڭ ىشىندە, دەمالۋ ءۇشىن اشقان ەلدەردى انىقتادى.

زەرتتەۋ بارىسىندا حا­لىق­­ارالىق اۋە كولىگى قاۋىم­داس­تى­عىنىڭ (IATA) مالىمەتتەرى پايدالانىلدى.

تۋريستەرگە بارۋعا تولىق تىيىم سالىنعان ەلدەر

جالپى العاندا, بۇل تى­زىم­گە 60-تان استام ەل كىرگەن. ولار­دىڭ ىشىندە: قىرعىزستان, وز­بەكستان, تۇرىكمەنستان, ازەر­بايجان, يزرايل, سيريا, ساۋد ارابياسى, شري-لانكا, كۋبا, پەرۋ, ارگەن­تينا, وار, ماروككو, ال­جير, كحدر بار.

حالىقارالىق رەيستەرگە ار­نال­عان 15 اۋەجايىن تامىزدىڭ 15-نە دەيىن اشۋ جوسپارلانعان ەلدەر ساپىندا تاجىكستان, گرە­كيا, رۋمىنيا, چيلي بولسا, ال تامىزدىڭ 31-نە دەيىن قا­زاق­ستاندىقتار ءۇشىن كەلەسى ەل­دەر­دىڭ شەكاراسى جابىق: تۇ­رىك­مەن­ستان, ازەربايجان, موڭ­عو­ليا, ءۇندىستان, تايلاند, يسپا­نيا, شۆەتسيا, كانادا, پەرۋ, كو­لۋمبيا, وار. سونىمەن قاتار يتا­ليا تۋريستەر ءۇشىن شەكتەۋدى الىپ تاستاۋدىڭ بولجالدى مەر­­زىمى قازاننىڭ 15-ىنە دەيىن سو­زىل­­عانىن مالىمدەدى.

تىيىم سالۋدى تولىق قول­دا­ناتىن قالعان ەلدەر, شەكا­را­لا­رىن قاشان اشاتىنىن ءالى حابارلاعان جوق, ياعني قازاق­ستان ازاماتتارىنا قاي ۋاقىتتا قولجەتىمدى ەكەنى بەلگىسىز.

ىشىنارا شەكتەۋ قويعان ەلدەر

90-نان استام ەلدەر شەتەل ازاماتتارىن بەلگىلەنگەن ەرەجەلەرگە سايكەس قابىلداۋعا دا­يىن ەكەندىگى تۋرالى ما­لىم­­دەدى. ولاردىڭ ىشىن­دە: رە­سەي, تاجىكستان, بەلارۋس, گرۋ­زيا, ارمەنيا, موڭعوليا, كا­­نا­دا, اقش, برازيليا, ەۋروپا مەملەكەتتەرى (مولدوۆانى قوس­­­پاعاندا), ءباا, ءۇندىستان, قى­تاي, اۋستراليا, جاپونيا, تاي­لاند, مالايزيا, يندو­نەزيا, في­­ليپپين ەلى جانە جاڭا زەلان­ديا.

ازىرشە اتالعان ەرەجەلەر, دەم­الۋ ماقساتىندا شىققان تۋ­ريستەردىڭ كوپشىلىگىنە قول­دا­نىل­مايدى. الايدا شەتەل­گە باسقا سەبەپتەرمەن بارۋ­شى­لارعا, مىسالى, اتا-انالاردىڭ شەتەلدە وقيتىن بالاسى بار, وپەراتسيا نەمەسە ءىسساپار جوس­پارلانعان بولسا, ەرەكشە ەرە­جەلەردى ساقتاۋ تالاپ ەتىلەدى.

ءبىرىنشى كەزەكتە, Covid-19 تەستى بويىنشا ناتيجەسى كور­سەتىلگەن مەديتسينالىق انىق­تاماسى شىعۋ كۇنىنەن 7 كۇن ال­دىن الا جانە ودان كەش ەمەس مەرزىمدە بەرىلۋى ءتيىس. ۇشىپ كەلگەندە تۋريستەر مەديتسينا­لىق كۋالاندىرۋدان وتەدى جانە جە­كە كارانتيندە 14 كۇن بولادى. كەيبىر جاعدايلاردا, جو­لاۋ­شىلاردىڭ ۇشار الدىندا الىنعان جول ءجۇرۋ رۇقساتى بولۋعا ءتيىس. شەتەلگە باراتىن تۋ­ريستەردىڭ كوروناۆيرۋستان ساق­تاندىرۋ ءپوليسىنىڭ بولۋى وتە ماڭىزدى. مىسالى, Covid-19-عا ساقتاندىرۋ قازاقستاندا جاسالسا, بۇكىل الەمدە زاڭدى تۇردە قولدانىلادى.

تۋريستەرگە شەكاراسىن اشقان ەلدەر

بۇل تىزىمدە ازىرشە 17 ەل بار: ۋكراينا, اۋعانستان, سەربيا, مىسىر, مەكسيكا, دومينيكان رەسپۋبليكاسى, مالديۆ جانە باگام ارالدارى.

تىيىم سالۋ تولىق الىن­عانى­مەن, ۇشىپ كەلگەندە جو­لاۋشىلار مەديتسينالىق كۋا­لاندىرۋدان وتۋگە جانە اۋرۋى جوق تۋرالى انىقتاماسىن ۇسىنۋعا ءتيىس.

IATA تىزىمىندە سونىمەن قا­­­تار مارتەبەسى ءالى انىقتال­ما­عان ەلدەر بەلگىلەنگەن, مىسالى, بەحرەين, مارتينيكا, پالەستينا.

شەكتەۋلەرى تولىق نەمە­سە ءىشىنارا الىنعانىنا قارا­ماستان, كوپتەگەن ەلدەردە ءالى دە Covid-19 اۋىراتىندار سانى مىڭداعان اداممەن ەسەپتەلەدى. مىسالى, اقش, برازيليا جانە ءۇندىستاندا سىرقاتتانۋشىلار سانى وتە كوپ – 2 275 553, 741 213 جانە 587 908 وقيعا. سوندىقتان ەل ازاماتتارىن شە­تەلدىك ۇزاق ساپارعا الدىن الا دايىنداۋ قاجەت.

كوروناۆيرۋستان ساقتاندى­رۋ­دى الاتىن بولساق, بۇل جايىندا شەتەلگە شىعۋ الدىندا 14 كۇن بۇرىن قامدانۋ كەرەك. مىسالى, Corona Protect ساق­تاندىرۋ, رە­سىمدەلگەن كۇنى­نەن ەكى اپتادان كەيىن ىسكە قو­سى­لادى جانە 6 اي ىشىندە قول­دا­نادى. ونىڭ شارتتارىنا ساي­كەس, ەمحاناعا تۇسكەن جاع­داي­دا قارجىلىق كومەك الۋ­عا بو­لادى. ساقتاندىرىلعان ادام قايتىس بولعان جاعدايدا, تو­لەمدى مۇراگەرلەرى الادى. ساق­تان­دىرۋ تولەمى 4 900-24 500 تەڭ­گە ارالىعىندا قۇبىلادى, تاڭ­دالعان تولەم جيىنتىعىنا تاۋەل­دى (100 مىڭ تەڭگەدەن 5 000 مىڭ تەڭگەگە دەيىن).