قر قارجى ءمينيسترىنىڭ بۇيرىعىمەن سەرىك ايسين اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى لاۋازىمىنا كىرىستى, - دەپ حابارلايدى Egemen.kz.
بيىل 48 جاسقا تولعان ونىڭ ەكى جوعارى ءبىلىمى بار. 1995 جىلى قوستاناي اۋىل شارۋاشىلىعى ينستيتۋتىنان "ينجەنەر", "مەنەدجەر-ەكونوميست", 1999 جىلى اكادەميالىق قۇقىق ينستيتۋتىنان زاڭگەر ماماندىعىمەن جوعارى ءبىلىم العان.
ەڭبەك جولىن سالىق ورگاندارىندا باستاپ, الماتى, اقمولا, اتىراۋ وبلىستارىنىڭ سالىق كوميتەتىندە ءتۇرلى لاۋازىمدى اتقاردى. كەيىن قارجى مينيسترلىگى مەملەكەتتىك كىرىستەر كوميتەتى مەتودولوگيا جانە باقىلاۋ دەپارتامەنتىندە باسقارماعا باسشىلىق ەتتى. ال, 2019 جىلدىڭ ماۋسىمىنان بەرى قارجى مينيسترلىگى مەملەكەتتىك كىرىستەر كوميتەتىندە مەملەكەتتىك قىزمەتتەر دەپارتامەنتىنىڭ ديرەكتورى بولدى.