پاۆلوداردا قر پارلامەنتى سەناتىنا دەپۋتات سايلاندى

سايلاۋعا تۇسكەن ولەگ كرۋگ 9.29%, ال گۇلنار قايداروۆا 8.74% داۋىس جينادى. پاۆلوداردىڭ ەستاي اتىنداعى مادەني سارايىندا وتكەن پاۆلودار وبلىسىنان قر پارلامەنتى سەناتىنىڭ دەپۋتاتىن سايلاۋ جونىندەگى تاڭداۋشىلاردىڭ بىرلەسكەن وتىرىسىنا وبلىستىڭ بارلىق 14 ءماسليحاتىنىڭ 187 دەپۋتاتتان 183 دەپۋتات كەلدى.

وبلىستىق اۋماقتىق سايلاۋ كوميسسياسىنىڭ ءتورايىمى گۇلنار امانجولوۆا اتاپ وتكەندەي, سايلاۋ كوميسسياسى بارلىق جوسپارلانعان ءىس-شارالاردى زاڭنامادا كورسەتىلگەن تارتىپتە جانە مەرزىمدە وتكىزدى. سايلاۋعا كانديدات رەتىندە ءۇش ادام تىركەلدى. 

– پاۆلودار وبلىستىق, پاۆلودار قالالىق جانە باياناۋىل اۋداندىق ءماسليحاتى پمپۋ رەكتورى التىنبەك نۇح ۇلىن ۇسىندى, – دەدى گۇلنار امانجولوۆا.

"زاۆود گوفروتارا" جشس, ءوزىن ءوزى جۇمىسپەن قامتىعان ولەگ كرۋك, "اگرونەسيەلىك كورپوراتسيا" اق وبلىستىق فيليالىنىڭ ديرەكتورى بولات امانجولوۆ پەن تەرەڭكول اۋدانىنىڭ اكىمى ەرنۇر ايتكەنوۆ سايلاۋعا ۇمىتكەر رەتىندە ءوزىن ءوزى ۇسىندى. بارلىق 14 ءماسليحات دەپۋتاتتارىنىڭ قولدارىمەن راسىمدەلگەن پاراقشالاردى تاپسىرماعان بولات امانجولوۆ پەن ەرنۇر ايتكەنوۆتى كانديدات رەتىندە تىركەۋدەن باس تارتتى.

كوروناۆيرۋستىق ينفەكتسيانىڭ تارالۋىن الدىن الۋ ءۇشىن سايلاۋ ءراسىمى ەلىمىزدىڭ باس ساندارىگەرىنىڭ بارلىق ۇسىنىستارىن ەسكەرە وتكىزىلدى. ايتالىق, تاڭداۋشىلار سايلاۋ بولمەلەرىندە ءوز تاڭداۋىن ءبىر رەتتىك قالاممەن جاسادى.

پاۆلودار مەملەكەتتىك پەداگوگيكالىق ۋنيۆەرسيتەتىنىڭ رەكتورى, حيميا عىلىمدارىنىڭ دوكتورى التىنبەك نۇح ۇلى 1962 جىلى 10 ماۋسىمدا پاۆلودار وبلىسى باياناۋىل اۋدانى ق. ساتباەۆ اتىنداعى اۋىلدا دۇنيەگە كەلگەن. 1984 جىلى ءال-فارابي اتىنداعى قازۇۋ-دى ۇزدىك تامامداعان. ەڭبەك جولىن 1984 جىلى رەسەيدىڭ يۆانوۆو قالاسىندا لابورانت رەتىندە باستادى. كەيىن ءال-فارابي اتىنداعى قازۇۋ, قر عىلىم جانە ءبىلىم مينيسترلىگىندە جانە قر پرەمەر-ءمينيسترى كەڭسەسىندە ءارتۇرلى لاۋازىمداردا قىزمەت ەتتى. پاۆلودار قالالىق ءماسليحاتىنىڭ التىنشى شاقىرىلىمىنداعى دەپۋتاتى. "قۇرمەت" وردەنى, "قۇرمەتتى ۇستاز" مەدالى, "پاۆلودار وبلىسى الدىنداعى ەڭبەگى ءۇشىن", "قر عىلىمى الدىنداعى ەڭبەگى ءۇشىن" توسبەلگىلەرىمەن ماراپاتتالعان.