«تەڭىزشەۆرويل» كومپانياسىنىڭ اقپاراتىنا قاراعاندا, كەنورنىنداعى قىزمەتكەرلەردىڭ 3895-ءى قاۋىپتى ىندەتتى جۇقتىرىپتى. قازىر ولاردىڭ 2863-ءى جازىلىپ شىقتى.
«تەست قورىتىندىسىمەن وڭ ناتيجە بەرگەندەردىڭ نەگىزگى بولىگى ۆاحتاعا بارا جاتقان قىزمەتكەرلەردە بولعان. ال, تشو قىزمەتكەرلەرى اراسىندا 370 جاعداي انىقتالعان. كۇن سايىن راستالاتىن جاعدايلاردىڭ سانى 90%-عا تومەندەدى.
بۇگىنگى تاڭدا تەڭىز كەن ورنىنداعى جۇقپالى اۋرۋلار ستاتسيونارىندا (وبلىستىق جۇقپالى اۋرۋلار اۋرۋحاناسىنىڭ فيليالى) 194 قىزمەتكەر ەم الۋدا. بۇل جالپى توسەك-ورىن سانىنىڭ 27%-ىن قۇرايدى» - دەلىنگەن كومپانيانىڭ اقپاراتىندا.
قازىر تەڭىز كەن ورنىندا ەپيدەميولوگيالىق احۋال جاقسارا باستادى. سوعان قاراماستان, كارانتيندىك شەكتەۋلەر ساقتالىپ وتىر. بەتپەردە تاعۋ, الەۋمەتتىك اراقاشىقتىقتى ساقتاۋ, ءوزىن-ءوزى وقشاۋلاۋ تشو-نىڭ, سونداي-اق, مەردىگەر مەكەمەلەردىڭ بارلىق قىزمەتكەرى ءۇشىن مىندەتتى تالاپ بولىپ وتىر.