جىل سايىن وبلىستىق تاريحي-ولكەتانۋ مۋزەيىنىڭ قىزمەتكەرلەرى ارحەولوگيالىق قازبا جۇمىستارىن جۇرگىزەدى. ارحەولوگيالىق توپ ءار ساپاردان ولجالى ورالادى. ماسەلەن, 2017 جىلى قىزىلقوعا اۋدانىنداعى ميالى قورعاندارىنىڭ بىرىنەن قولادان قۇيىلعان قازان تابىلدى.
قولا قازاننىڭ ءپىشىنى كۇندەلىكتى تۇتىنىپ جۇرگەن بۇيىمنان وزگەشەلەۋ. ءبىر قاراعاندا شار تارىزدەس بولعانمەن, ەرنەۋى كەڭ قايىرىلىپتى. سىرتىنان تەگىستەلگەنگە ۇقسايدى. شەتى مايىسىپ قالىپتى. ءتورت قۇلاعى بار. ونىڭ ەكەۋى قازان ىشىنە ءۇڭىلىپ تۇرعان جىلقى بەينەسىندە جاسالىپتى. ال ەكەۋىندە كيىككە ۇقساس جانۋار بەينەلەنىپتى. الايدا ونىڭ ءبىرى سىنعان.
قالاي دەگەندە, قورعاننان تابىلعان قولا قازان قۇندى جادىگەرگە اينالدى. ەستە جوق ەسكى زاماننىڭ مادەنيەتىنەن سىر شەرتەر ەكسپونات تاريحى ءالى دە زەرتتەلەتىن بولار.
اتىراۋ وبلىسى