اعىمداعى جىلدىڭ شىلدە ايىندا 1 ملن-عا جۋىق قازاقستاندىق جالپى سوماسى 5,4 ملرد تەڭگەگە ازىق-ت ۇلىك جانە تۇرمىستىق جيىنتىقتار ءۇشىن تولەم الدى. الەۋمەتتىك قولداۋدىڭ بۇل تۇرىمەن 1,1 ملن ادامدى قامتۋ جوسپارلانىپ وتىر, - دەپ حابارلايدى Egemen.kz
بۇدان بۇرىن حابارلانعانداي, مەملەكەت باسشىسىنىڭ تاپسىرماسى بويىنشا توتەنشە جاعداي رەجيمى مەن كوروناۆيرۋستىق ينفەكتسيامەن كۇرەس جونىندەگى كارانتيندىك شارالار كەزەڭىندە ازاماتتاردى الەۋمەتتىك قولداۋ ماقساتىندا ازىق-ت ۇلىك جانە تۇرمىستىق جيىنتىق الۋشىلاردىڭ ءتىزىمى كەڭەيتىلدى. ازاماتتاردىڭ قارىم-قاتىناس جاساۋىن ازايتۋ جانە COVID-19 تارالۋىن بولدىرماۋ ءۇشىن جيىنتىقتار بالاما اقشالاي تولەمدەرمەن الماستىرىلدى.
كەلەسى 5 الەۋمەتتىك توپقا جاتاتىن ازاماتتار تولەم الۋشىلار بولىپ تابىلادى:
- اتاۋلى الەۋمەتتىك كومەك الۋشىلار قاتارىنداعى, ونىڭ ىشىندە كوپبالالى وتباسىلارداعى 6 جاستان 18 جاسقا دەيىنگى بالالار;
- مەديتسينالىق-الەۋمەتتىك مەكەمەلەردە تۇراقتى تۇراتىن مۇگەدەكتەردى قوسپاعاندا, 16 جاسقا دەيىنگى مۇگەدەك بالالار;
- مەديتسينالىق, الەۋمەتتىك مەكەمەلەردە تۇراقتى تۇراتىن مۇگەدەكتەردى قوسپاعاندا, بارلىق جاستاعى I, II, III توپتاعى مۇگەدەكتەر;
- مۇگەدەك بالانى تاربيەلەپ وتىرعان ادامدار;
- جۇمىسپەن قامتۋ ماسەلەلەرى بويىنشا جەرگىلىكتى ورگاندا تىركەلگەن جۇمىسسىز ازاماتتار.
كومەكتىڭ وسى ءتۇرىن الۋشىلاردىڭ تىزىمدەرىن جەرگىلىكتى اتقارۋشى ورگاندار قالىپتاستىرادى.
اعىمداعى جىلعى ناۋرىز-مامىر ايلارى ارالىعىندا بۇل تولەمدەر جالپى سوماسى 13,5 ملرد تەڭگەگە 1 ملن ادامعا ەسەپتەلدى.
ەستەرىڭىزگە سالا كەتەيىك, 14 شىلدەدە قر پرەمەر-ءمينيسترى اسقار مامين ۇكىمەت وتىرىسىندا قر ەڭبەك جانە حالىقتى الەۋمەتتىك قورعاۋ مينيسترلىگىنە قازاقستاندىقتارعا اعىمداعى جىلدىڭ شىلدە ايىندا ازىق-ت ۇلىك جانە تۇرمىستىق جيىنتىقتار ءۇشىن اقشالاي قاراجات تولەۋدى باستاۋدى تاپسىرعان بولاتىن.