ىسكە اسىرىلىپ جاتقان جوبالاردا دانەكەرلەۋشى, مونتاجشى, جۇرگىزۋشىلەرگە قاجەتتىلىك بايقالادى, دەپ حابارلادى ەلوردا اكىمدىگىنىڭ رەسمي سايتى.
بۇگىنگى تاڭدا "جۇمىسپەن قامتۋدىڭ جول كارتاسى – 2020" مەملەكەتتىك باعدارلاماسى اياسىندا نۇر-سۇلتاندا 7 627 جۇمىسسىز, جۇمىسپەن قامتۋ ورتالىعىنىڭ جولداماسى بويىنشا 4 361 ادام جۇمىسقا ورنالاستىرىلدى. ىسكە اسىرىلىپ جاتقان 107 جوبادا دانەكەرلەۋشىلەر, مونتاجشىلار, ارنايى ماشينا جۇرگىزۋشىلەرى, جۇمىسشىلار, گازبەن دانەكەرلەۋشىلەر, ەلەكتر مەحانيكتەرى سياقتى ماماندارعا قاجەتتىلىك بايقالادى. "كارانتين كەزىندە وتىنىشتەر سانى 20% ارتتى. "جۇمىسپەن قامتۋ جول كارتاسى – 2020-2021" باعدارلاماسىنا قاتىسۋ ءۇشىن ەسەپكە تۇرۋ مىندەتتى ەمەس, جەكە كۋالىك پەن ديپلوم جانە ەڭبەك كىتاپشاسى بولسا جەتكىلىكتى. نۇر-سۇلتان قالاسىندا تۇراقتى تىركەۋدە بولۋى, جۇمىس ىستەپ تۇرعان نەمەسە توقتاتىلعان جشس نەمەسە جك بولماۋى قاجەت, ويتكەنى ءوتىنىش بەرۋشىگە جۇمىسسىز مارتەبەسى بەرىلەدى. سۇرانىس ءۇش كۇن ىشىندە وڭدەلەدى. بۇگىنگى تاڭدا جۇمىسپەن قامتۋ ورتالىعىنىڭ جولداماسى بويىنشا 4 361 ادام جۇمىسقا ورنالاستىرىلدى", – دەيدى نۇر-سۇلتان قالالىق جۇمىسپەن قامتۋ ورتالىعىنىڭ ءباسپاسوز حاتشىسى ايميرا مۋكسۋلوۆا.
"Partners Reality" جشس جۇمىسپەن قامتۋ ورتالىعىمەن باعدارلاما اياسىندا بىرىگىپ جۇمىس ىستەيدى. "قازىرگى ۋاقىتتا ءبىز بالالار الاڭدارىن اباتتاندىرۋمەن اينالىسۋدامىز: اسفالت, برۋسچاتكا, بورديۋرلەر توسەۋ. "جۇمىسپەن قامتۋدىڭ جول كارتاسى – 2020-2021" باعدارلاماسى بىزگە جۇمىستاردى ورىنداۋ ءۇشىن بەلگىلى ءبىر جۇمىسشىلار سانىن ۇسىنادى", - دەپ حابارلادى "Partners Reality" جشس ينجەنەر-تەحنولوگى تولقىن تورەبەكوۆ. "بىزدە جۇمىسپەن قامتۋ ورتالىعىنان شامامەن 20-25 ادام جۇمىس ىستەيدى – ولار جۇرگىزۋشىلەر, ەلەكتر مونتاجشىلار. قازىر وماروۆ كوشەسىندەگى جەلىلەردى قايتا جوندەۋدەن وتكىزۋدەمىز", - دەيدى "ەلەكترومونتاج" اق فيليالىنىڭ مەحانيگى تولەگەن قامانوۆ.
دميتري يۆانوۆ – دانەكەرلەۋشى. كوپ ۋاقىت جۇمىسسىز جۇرگەن ول "جۇمىسپەن قامتۋدىڭ جول كارتاسى – 2020-2021" باعدارلاماسىمەن جۇمىسقا ورنالاسۋعا كومەك كورسەتىلگەن. ء"بىر اپتا ىشىندە جۇمىسقا قابىلداندىم, ۇزاق كۇتپەدىم. ءبىز تولىق كۇن جۇمىس ىستەيمىز, جالاقى تولەنەدى", – دەيدى د.يۆانوۆ.
"جۇمىسپەن قامتۋدىڭ جول كارتاسى – 2020" مەملەكەتتىك باعدارلاماسى اياسىندا 15 مىڭ جاڭا جۇمىس ورنى, ونىڭ ىشىندە جۇمىسپەن قامتۋ ورتالىعى ارقىلى 7 628 ورىن اشىلادى. ەستەرىڭىزگە سالا كەتەيىك, 22 ماۋسىمدا جۇمىسپەن قامتۋ ورتالىعى ونلاين رەجيمدە جۇمىس ىستەۋگە كوشكەندىكتەن, "جۇمىسپەن قامتۋدىڭ جول كارتاسى" ارقىلى جۇمىس تاپقىسى كەلەتىندەر ورتالىقتىڭ Call-ورتالىعىنا 57-88-88 تەلەفونى ارقىلى حابارلاسۋى كەرەك. سونداي-اق مونيتورينگ جانە ەڭبەك رەسۋرستارىن بولجاۋ بولىمىنە مىنا تەلەفوندار ارقىلى حابارلاسۋعا بولادى: 57-88-89, 57-89-37, 24-83-02.