ازاماتتىق اۆياتسيا اكادەمياسىنىڭ اۋە كەمەسىنە ەڭبەك سىڭىرگەن ۇشقىش ياكۋپ پارحاتوۆتىڭ ەسىمى بەرىلدى, دەپ حابارلايدى Egemen.kz
"قازاقستاننىڭ ازاماتتىق اۆياتسيا ارداگەرلەرىنىڭ باستاماسىمەن اكادەمياداعى اۋە كەمەلەرىنىڭ بىرىنە ەلىمىزدىڭ ازاماتتىق اۆياتسيا سالاسىن دامىتۋعا, سونداي-اق جوعارى كاسىبي كادرلار مەن ۇشقىشتاردى دايارلاۋ مەن وقىتۋعا زور ۇلەس قوسقان كسرو ەڭبەك سىڭىرگەن ۇشقىشى ياكۋپ انگاروۆيچ پارحاتوۆتىڭ ەسىمى بەرىلدى", دەلىنگەن ازاماتتىق اۆياتسيا كوميتەتىنىڭ حابارلاماسىندا.
بۇعان دەيىن ازاماتتىق اۆياتسيا اكادەمياسىنىڭ اۋە كەمەلەرى العاشقى قازاق ۇشقىشتارى جولداسبەك نۇرىموۆ, سالىق احمەتوۆ, حاميت قاليەۆ, كسرو ەڭبەك سىڭىرگەن ۇشقىشتارى ساعىنعالي نۇرعاليەۆ پەن ۆلاديسلاۆ مارىشەۆ, "قۇرمەتتى اۆياتور" نايليا سەيفۋللين جانە ەكى مارتە كەڭەس وداعىنىڭ باتىرى تالعات بيگەلدينوۆتىڭ ەسىمدەرىمەن اتالعان.