تۇركيانىڭ دەنساۋلىق ساقتاۋ مينيسترلىگى ەلدەگى كۋرورتتىق ايماقتاردا كوروناۆيرۋس ءورشىپ تۇر دەگەن اقپاراتتى جوققا شىعاردى, - دەپ حابارلايدى Egemen.kz
"كۋرورتتى اۋماقتا ىندەت ورشىگەن جوق. ونداي ماسەلە دە جوق. ءبىز انكارا, ىستامبۇل, كونە, ديارباكىر, گازيانتەپ سىندى ءىرى قالالاردا اۋرۋ جۇقتىرعاندار سانى وسكەنىن باقىلاپ وتىرمىز", - دەدى مينيسترلىك وكىلى.
ول انتاليا پروۆينتسياسىنداعى كوروناۆيرۋس ستاتيستيكاسىنا توقتالدى. وندا سوڭعى اپتادا COVID-19 جۇقتىرۋ دەرەگى 70-تەن 59-گە ازايعان. انتاليا جەرورتا تەڭىزى اۋماعىندا ورنالاسقان.
ايتا كەتۋ كەرەك, قازىرگى تاڭدا تۇركيادا كوروناۆيرۋس جۇقتىرۋدىڭ 236 112 دەرەگى تىركەلگەن, ال ساۋىققاندار سانى 219 506-عا جەتكەن. 5784 ادام ىندەتتىڭ قۇربانى بولدى.