IQala قالالىق قىزمەتتەر ورتالىعى جۇرگىزگەن مونيتورينگ بارىسىندا تۇرعىنداردىڭ كوپشىلىگى ونلاين رەجيمىندە قول جەتىمدى ەتسق, ەلەكتروندىق شوت-فاكتۋرالار (ەشف) مەن ەرتس تۇبىرتەكتەرىن الۋ سياقتى قىزمەتتەر ءۇشىن كەلەتىنى انىقتالدى, دەپ حابارلايدى نۇر-سۇلتان اكىمدىگىنىڭ رەسمي سايتى.
ەلوردا تۇرعىندارىنا ىڭعايلى بولۋ ءۇشىن IQala قالالىق قىزمەتتەر ورتالىعىنىڭ www.iqala.kz پورتالى جۇمىس ىستەيدى. پورتالدىڭ ارقاسىندا ۇيدەن نەمەسە جۇمىس ورنىنان شىقپاي-اق جەكە جانە زاڭدى تۇلعالارعا قاجەتتى كوممۋنالدىق قىزمەتتەردى الۋعا بولادى, ول ءۇشىن پايدالانۋشىنىڭ ەلەكتروندىق تسيفرلىق قولتاڭباسى (ەتسق) قاجەت. ورتالىق قىزمەتكەرلەرى كارانتين كەزىندەگى قىزمەت كورسەتۋلەر بويىنشا مونيتورينگ جۇرگىزدى. ونىڭ بارىسىندا تۇرعىنداردىڭ كوپشىلىگى ونلاين رەجيمىندە قول جەتىمدى ەتسق, ەلەكتروندىق شوت-فاكتۋرالار (ەشف) مەن ەرتس تۇبىرتەكتەرىن الۋ سياقتى قىزمەتتەر ءۇشىن كەلەتىنى انىقتالدى.
"قازىر ەلىمىزدىڭ ۇكىمەتى كوروناۆيرۋستىق ينفەكتسيانىڭ تارالۋىنا قارسى بارلىق قاجەتتى شارالاردى قابىلداۋدا. ەلوردا تۇرعىندارىنان قاجەتتى قىزمەتتەردى ونلاين رەجيمدە الۋلارىڭ سۇرايمىز. IQala ورتالىعىنىڭ سايتىندا 131 قىزمەت ءتۇرى (جىلۋ, سۋ, ەلەكتر, قوقىس شىعارۋ, ەرتس جانە ت.ب.) ۇسىنىلعان. مىسالى, "ەرتس تۇبىرتەگىن قايتا الۋ" قىزمەتى تولىعىمەن اۆتوماتتاندىرىلعان, تۇبىرتەك ادامنىڭ قاتىسۋىنسىز پايدالانۋشىنىڭ جەكە كابينەتىنە بىردەن كەلىپ تۇسەدى. سونداي-اق, ەلەكتروندىق شوت-فاكتۋرالاردى esf.gov.kz جانە ەتسق-نى egov.kz پورتالدارىنان الۋعا بولاتىندىعىن اتاپ وتكىم كەلەدى "ازاماتتارعا ارنالعان ۇكىمەت" مك" كەاق, مەملەكەتتىك كىرىستەر كوميتەتى جانە "استانا-ەرتس" جشس ارىپتەستەرىمەن ەرتس, ەشف قىزمەتتەرىن/تۇبىرتەكتەرىن جانە ەتسق كىلتىن الۋ بويىنشا قادامدىق نۇسقاۋلىقتار (سكرينشوتتارمەن) ازىرلەندى. نۇسقاۋلىقتاردى الۋ ءۇشىن "IQalakz_bot" Telegram-بوتىن پايدالانۋعا بولادى», - دەپ اتاپ ءوتتى iQala قالالىق قىزمەتتەر ورتالىعىنىڭ ديرەكتورى رۋسلان جۋماديلوۆ.
قىزمەتتى ۇيدەن الۋعا تەحنيكالىق مۇمكىندىك بولماعان جاعدايدا, ر. قوشقارباەۆ داڭعىلى 29 مەكەن-جايىندا ورنالاسقان iQala ورتالىعىنا حابارلاسۋعا بولادى.
ء"بىز وزىنە-ءوزى قىزمەت كورسەتۋ ايماعىن ينتەرنەتكە قوسىلۋى مەن ۆەب-كامەراسى بار 6 كومپيۋتەرگە دەيىن كەڭەيتتىك, وندا سىزگە ءبىزدىڭ ماماندار ونلاين قىزمەت الۋ بويىنشا كەڭەس بەرەدى, بىراق قاجەتتى قىزمەتتى ءوز بەتىڭىزشە الاسىز. وسىلايشا ءبىز كومپيۋتەرلىك ساۋاتتىلىق دەڭگەيىن كوتەرۋگە جانە ادامداردى ونلاين قىزمەتتەردى پايدالانۋعا ۇيرەتۋگە تىرىسامىز", - دەپ اتاپ ءوتتى رۋسلان جۋماديلوۆ. قاجەتتى قىزمەتتەردى www.iqala.kz پورتالى ارقىلى الىڭىز. ۇيدە بولىڭىز!