جەزقازعاندا ەپيدجاعداي تۇراقتاندى

– وڭىردە ىندەتتىڭ ءور­شۋى ءبىرشاما باسەڭ­دە­­گەن­مەن, كوروناۆيرۋس­پەن كۇرەس اياسىنداعى ءىس-شارا­لاردى ۇيىم­داستىرۋ جۇمىس­تا­رىن­دا بو­ساڭسۋ جوق بولار؟ وسى ورايدا, قازىرگى ەپي­­دە­­ميالىق جاعدايعا قىس­قا­شا شولۋ جاساپ وتسە­ڭىز.

– جالپى, ءدال قازىرگى ۋاقىتتا جەزقازعان ءوڭىرى بو­يىنشا 2389 ادامنىڭ كو­رو­­ناۆيرۋس ينفەكتسياسىن جۇق­تىرعانى رەسمي تۇردە تىر­كەلگەن. ناقتىراق ايت­ساق, جەزقازعاندا – 849, ساتباەۆتا – 559, ۇلىتاۋدا – 17 ادام. ناۋقاستار سانىنىڭ ءوسۋى 0,26%-دى قۇرايدى.

وكىنىشكە قاراي, 52 ادام ىندەت سالدارىنان قايتىس بولدى. كوپ جاعدايدا ولار­دىڭ 60 جاستان اسقان جانە سوزىلمالى اۋرۋلارى بار ادامدار ەكەنىن ايتا كەتكەن ءلازىم. ال ينفەكتسيا جۇق­تىرعانداردى تىركەۋ باس­تال­عان ساتتەن بەرگى ۋاقىت ىشىندە 1465 پاتسيەنت ساۋى­عىپ كەتتى. بۇگىندە ستاتسيونارلاردا 218 ناۋقاس ەم الۋدى جالعاستىرۋدا.

بارلىق پروۆيزورلىق توسەك سانى 300 بولادى. قازىرگى ۋاقىتتا ونىڭ 89-ى عانا بوس ەمەس. ياعني توسەك جۇكتەمەلىگى ازايعان. سوڭ­عى ەكى اپ­تا­داعى تالداۋ ەپي­دەميالىق جاعدايدىڭ جاق­­سا­رىپ, اۋىرعاندار سانىنىڭ ازايعانىن كور­سەتتى.

جەدەل جوسپارعا سايكەس پروۆيزورلىق جانە ينفەك­تسيا­لىق گوسپي­تال­دار­دىڭ توسەك سانى 810 ورىنعا دەيىن ارتتىرىلعان. اتاپ ايت­قان­دا, ساتباەۆ قالالىق ورتالىق اۋرۋحاناسى, جەزقازعان قالالىق مەديتسينالىق ور­تا­­لى­عى­نىڭ ساتباەۆ كلي­نيكاسى, وبلىستىق فتي­زيو­­­پۋل­مو­نو­لوگيالىق ورتا­لى­عىنىڭ ساتباەۆ بولىم­شە­سى, جەزقازعان قالالىق كوپبەيىندى اۋرۋحاناسى, جەز­قاز­عان ۋنيۆەرسيتەتىنىڭ جاتاق­حاناسىندا ورنالاسقان ينفەك­تسيالىق گوسپيتال, جەزقازعان قالالىق كوپ­بەيى­ندى اۋرۋحاناسىنىڭ پۋل­موپروۆيزورلىق ءبولىمى تو­لىق قۋاتىندا جۇمىس ىستەپ تۇر. بۇدان بولەك, «كەڭگىر» قوناقۇيىندە مەديتسينالىق قىزمەتكەرلەرگە ارنالعان 100 توسەكتىك كارانتيندىك ستاتسيونار بار.

– كوروناۆيرۋسپەن كۇ­رەستە مەديتسينالىق مە­كە­­­­مەلەردىڭ تەحني­كا­لىق تۇرعىدا جاراق­تان­­دى­رىلۋى ماڭىزدى ءرول اتقا­را­دى. جال­پى, وڭىر­دە­گى ستا­تسيونارلار مەن گوسپي­تال­­­دار ءتيىستى اپپارات­تار­مەن, قۇرال-جاب­دىق­­تار­­مەن قانداي دارەجەدە قام­­تاماسىز ەتىلگەن؟

– «قازاقمىس» كورپو­راتسيا­سىنىڭ جانە شاعىن بيزنەس وكىلدەرى مەن جەكە­لە­گەن ازا­مات­تار­دىڭ دەمەۋ­شىلىك كومەگى ەسەبىنەن جەز­قازعان جانە ساتباەۆ قالا­لا­رىندا پاندەميا كەزىندە 6 وكپەنى جاساندى تىنىستاندىرۋ ء(وجت) اپپاراتى, 174 وتتەگى كونتسەنتراتورى, 28 پۋلسوكسيمەتر الىندى. الداعى ۋاقىتتا قاراعاندى وبلىستىق دەن­ساۋ­لىق ساقتاۋ باس­قار­ماسى تاراپىنان 3 ءوجت اپپاراتى جانە 70 پۋلسوكسيمەتر سياقتى قوسىمشا جابدىقتار ساتىپ الىنباق.

بۇدان باسقا, مەديتسينالىق گاز بەرۋدىڭ ورتا­لىق­تاندىرىلعان جۇيە­سىن ورناتۋ ارقىلى پا­تسيەنت­­تەر­دى وتتەگىمەن قام­تا­ما­سىز ەتۋ ماسەلەسى شەشىلدى.

جەزقازعان وڭىرىندە ەكى كومپيۋتەرلىك توموگرافيا كابينەتى جۇمىس ىستەيدى. الدا­عى قازان ايىندا جەز­قازعان جانە ساتباەۆ قالالا­رىن­دا قوسىمشا تاعى دا ەكى كومپيۋتەرلىك توموگراف ورناتىلادى. سونىمەن قاتار قىركۇيەك-قازان ايلارىندا ەكى زاماناۋي تسيفرلى رەنتگەن اپپاراتىن ساتىپ الۋ جوسپاردا بار. مۇنىڭ ءوزى تەكسەرۋدىڭ قولجەتىمدىلىگىن ارتتىرادى, اۋرۋدى دەر كەزىندە انىقتاۋعا, اۋىر تۇرىنە اۋىسۋىنا جول بەرمەي, ەم جۇرگىزۋگە مۇمكىندىك بەرەدى.

جەزقازعان ءوڭىرىنىڭ بار­لىق تۇرعىندارى ارا­سىندا كوروناۆيرۋس ينفەك­تسيا­­سىنىڭ تارال­ۋىن ەرتە انىق­تاۋ جانە الدىن الۋ ماق­سا­تىن­دا, الەۋمەتتىك باعىتتالعان كومپانيا رە­تىن­دە «قازاقمىس» كورپوراتسياسى» جشس-نىڭ قولداۋىمەن «جەزقازعان مەديتسينالىق ورتالىعى» جشس بازاسىندا قۋاتى تاۋلىگىنە 500 زەرتتەۋ تەستىسىن انىقتاۋعا جەتەتىن پتر-زەرت­حانا اشىلدى.

قازىرگى ۋاقىتتا بارلىق ستاتسيوناردا جەكە قورعانىس قۇرالدارىنىڭ ايلىق قورى بار جانە قوسىمشاسىنا تا­عى تاپسىرىس بەرىلگەن. جەز­قازعان, ساتباەۆ قالا­لا­رىنىڭ ستاتسيونارلارىندا دارىلىك پرەپاراتتارمەن قامتاماسىز ەتۋ 95%-دى قۇرايدى. بارلىق باستاپقى مەديتسينالىق-سانيتارلىق كومەك كورسەتەتىن مەدي­تسي­نا­لىق ۇيىمدار بويىنشا قۇرامىندا جالپى پراكتيكا دارىگەرى, فەلدشەر, مەيىربيكەلەر, جۇرگىزۋشى بار 12 ءموبيلدى بريگادا جۇمىس ىستەيدى. ولار اۆتوكولىكپەن جانە باسقا دا قاجەتتى قۇ­رال­دارمەن تولىقتاي جاب­دىق­تالعان.

اڭگىمەلەسكەن

قايرات ءابىلدا,

«Egemen Qazaqstan»

قاراعاندى وبلىسى,

جەزقازعان قالاسى