گرەك-ريم كۇرەسiنەن تۇڭعىش وليمپيادا چەمپيونى, قازاقستان رەسپۋبليكاسىنىڭ ەڭبەك ەرى - جاقسىلىق ۇشكەمپىروۆ قايتىس بولدى, - دەپ حابارلايدى Egemen.kz. بۇل تۋرالى قازاقستان گرەك-ريم, ەركىن جانە ايەلدەر كۇرەسى فەدەراتسياسى حابارلادى.
"گرەك-ريم كۇرەسiنەن تۇڭعىش وليمپيادا چەمپيونى, الەم چەمپيونى, قازاقستاننىڭ ەڭبەك ەرi, "بارىس", "قۇرمەت" "پاراسات" وردەندەرىنىڭ يەگەرى جاقسىلىق ءامiرالi ۇلى ۇشكەمپiروۆ اعامىز باقيلىق بولدى. باتىر اعامىزدىڭ ماسكەۋ وليمپياداسىنداعى ەرلىگiنە بيىل 40 جىل بولىپ ەدى... مارقۇمنىڭ بارلىق تۋعان-تۋىستارىنا, وتباسىنا, جورا-جولداستارىنا, بارشا قازاقستان كۇرەسiنiڭ جانكۇيەرلەرىنە قايعىرىپ كوڭىل ايتامىز!", - دەلىنگەن حابارلامادا.
جاقسىلىق ۇشكەمپىروۆ 1951 جىلى 6 مامىردا قازاق كسر, جامبىل وبلىسى, سۆەردلوۆسك اۋدانى, چاپاەۆ كەڭشارىندا دۇنيەگە كەلگەن.
ول گرەك-ريم كۇرەسىنىڭ پالۋانى, سپورت شەبەرى (1971), حالىقارالىق سپورت شەبەرى (1975), ەڭبەك سىڭىرگەن سپورت شەبەرى (1980), التىن مەدال يەلەنگەن قازاقتان شىققان تۇڭعىش وليمپيادا چەمپيونى (ماسكەۋ, 1980), الەم چەمپيونى (1981), الەم كۋبوگىنىڭ كۇمىس جۇلدەگەرى (1982), ەكى دۇركىن كەڭەس وداعىنىڭ چەمپيونى (1975, 1980), قازاق كسر ەڭبەك سىڭىرگەن جاتتىقتىرۋشىسى.