ماسق مەديتسينا قىزمەتكەرلەرىنە تولەمدەردى تاعايىنداۋعا دايىن

31 شىلدە ساعات 10.00-دەگى جاعداي بويىنشا دسم-نەن COVID-19 نەمەسە ۆيرۋستىق پنەۆمونيانى جۇقتىرعان جاعدايدا مەديتسينا قىزمەتكەرلەرىنە تولەم جاساۋعا 123 ءوتىنىم كەلىپ ءتۇستى. وڭىرلەر بولىنىسىندە وتىنىمدەردىڭ ەڭ كوپ سانى الماتى قالاسىنان (46), الماتى (38) جانە سولتۇستىك قازاقستان (10) وبلىستارىنان كەلىپ ءتۇستى. بارلىق كەلىپ تۇسكەن وتىنىمدەر بويىنشا ماسق-دان 2 ملن تەڭگە مولشەرىندە بىرجولعى تولەم جۇزەگە اسىرىلدى.

مەديتسينا قىزمەتكەرىنىڭ كوروناۆيرۋستىق ينفەكتسيادان, ۆيرۋستىق پنەۆمونيادان قايتىس بولۋ جاعدايلارى بويىنشا ماسق-قا وتىنىمدەر تۇسكەن جوق.

بۇدان بۇرىن حابارلانعانداي, جوعارىدا كورسەتىلگەن تولەماقىنى الۋعا قۇقىعى بار مەديتسينا قىزمەتكەرلەرىن وبلىستاردىڭ جانە رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارىنداعى ارنايى كوميسسيالار اۋرۋ جۇقتىرۋىن تەكسەرۋ ناتيجەلەرى بويىنشا انىقتايدى. بارلىق وتىنىمدەردى قازاقستان رەسپۋبليكاسى دەنساۋلىق ساقتاۋ مينيسترلىگى جيناقتايدى.

ەستەرىڭىزگە سالا كەتەيىك, قر ەڭبەك جانە حالىقتى الەۋمەتتىك قورعاۋ ءمينيسترى مەن قر دەنساۋلىق ساقتاۋ ءمينيسترىنىڭ 9 ساۋىردەگى "دەنساۋلىق ساقتاۋ ۇيىمدارىنىڭ COVID-19 كوروناۆيرۋستىق ينفەكتسياسىنا قارسى كۇرەس جونىندەگى ەپيدەمياعا قارسى ءىس-شارالارعا تارتىلعان قىزمەتكەرلەرى اتالعان ينفەكتسيانى جۇقتىرعان نەمەسە ودان قايتىس بولعان جاعدايدا ولارعا بىرجولعى الەۋمەتتىك تولەمدى جۇزەگە اسىرۋ قاعيدالارىن بەكىتۋ تۋرالى" بىرلەسكەن بۇيرىعىنا اعىمداعى جىلدىڭ 22 شىلدەسىندە ەنگىزىلگەن وزگەرىستەرگە  سايكەس جوعارىدا كورسەتىلگەن تولەم:

– كوروناۆيرۋستىق ينفەكتسيا نەمەسە ۆيرۋستىق پنەۆمونيا جۇقتىرعان مەديتسينا قىزمەتكەرلەرىنە – 2 ملن. تەڭگە;

– COVID-19 كوروناۆيرۋستىق ينفەكتسياسىن جۇقتىرعاننان,  ۆيرۋستىق پنەۆمونيامەن اۋىرىپ قايتىس بولعان جاعدايدا ولاردىڭ وتباسىنا – 10 ملن. تەڭگە كولەمىندە تولەنەدى.