30 شىلدە ساعات 9.00-دەگى جاعداي بويىنشا بيىلعى شىلدە ايىندا شەكتەۋ شارالارىن ەنگىزۋگە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان ەڭ تومەنگى جالاقى – 42 500 تەڭگە مولشەرىندە بىرجولعى تولەم تاعايىنداۋعا ازاماتتاردان 2,3 ملن-نان استام بىرەگەي ءوتىنىش قابىلداندى.
تولەم 2 ملن 80 مىڭ ادامعا تاعايىندالدى. اقشالاي قاراجات 2 ملن 58 مىڭ قازاقستاندىققا اۋدارىلدى. ماسق-تان تولەم الۋعا وتىنىمدەر بىرنەشە ارنا ارقىلى قابىلدانادى. 2,3 ملن-نان استام ءوتىنىمنىڭ ىشىندە: 833,3 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى; 578,9 مىڭ ادام Egov.kz پورتالى جانە telegram-بوتتار; 314,6 مىڭ ادام 42500.enbek.kz پورتالى; 595,8 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت-رەسۋرستارى ارقىلى ءوتىنىش بەرگەن.
ازاماتتاردىڭ ساناتتارى بولىنىسىندە 833,3 مىڭ ءوتىنىش بىرىڭعاي جيىنتىق تولەم تولەۋشىلەردەن بەرىلسە (پرواكتيۆتى فورماتتا), 186,5 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەردى, ال 1 ملن 302,8 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر; جەكە پراكتيكامەن اينالىساتىن ادامدار; ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار). تولەم 2 ملن 80 مىڭ ادامعا تاعايىندالدى. اقشالاي قاراجات 2 ملن 58 مىڭ قازاقستاندىققا اۋدارىلدى.
ەستەرىڭىزگە سالا كەتەيىك, مەملەكەت باسشىسىنىڭ تاپسىرماسى بويىنشا 2020 جىلدىڭ شىلدە ايىندا كارانتيندىك شارالاردىڭ ەنگىزىلۋىنە بايلانىستى جۇمىس ىستەپ جاتقان قازاقستاندىقتارعا تابىسى تولىق جوعالعان جاعدايدا ەڭ تومەنگى جالاقى – 42 500 تەڭگە مولشەرىندە بىرجولعى تولەم جۇزەگە اسىرىلاتىن بولادى.
ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.