ساپالى قىزمەت پەن ساۋاپتى ءىس

دەنساۋلىق قانا ەمەس, ادام­شى­لىعىمىز بەن قايى­رىم­دى­لىعىمىز دا سىنعا ءتۇسىپ جات­قان كەز. وسىنداي جاعدايدا ازامات­تار­عا ارنالعان ۇكىمەتتىڭ الماتى قالاسى فيليالىنىڭ قىز­مەت­كەر­لەرى دە ءبىر جاعادان باس, ءبىر جەڭنەن قول شىعارىپ, ۇجىمدىق بىرلىكتىڭ ۇلگىسىن كورسەتىپ ءجۇر. ماسەلەن, الاتاۋ اۋداندىق فرونت-وفيس قىزمەتكەرلەرى كو­مەك سۇراعان ەكى جاستاعى ءمادينا قى­دىرباەۆانىڭ سىرقاتىن شەتەل­دە ەمدەتۋگە ۇجىم بولىپ قا­را­جات جيناپ, كومەك قولىن سوزدى. ال ونىڭ اتا-اناسىنا الەۋمەتتىك باس­پانا الۋعا قا­جەت­تى قۇجاتتارىن جيناۋعا كومەك­تە­سىپ, باسپانا كەزەگىنە تۇرۋعا جار­­دەمدەستى.

سونى­مەن قاتار اۋدان تۇر­عى­نى باقىت التىن­بەك­قى­زى­نىڭ وتباسى مۇشەلەرى تۇگەل ىندەتكە شالدىعىپ, اۋرۋحاناعا تۇسكەندە, الاتاۋ فرونت-ءوفيسى ماماندارى كومەككە كەلىپ, ءدارى-دار­مەگى مەن قاجەتتى زاتتارىن الىپ بەردى.

ال №2 مامانداندىرىلعان حقو باسشىسى جۇلدىز ابىقا­نو­ۆا, ناۋرىزباي اۋدا­نى­نىڭ باسشىسى بالاۋسا ۇلدار­بە­كو­ۆا, تۇركسىب اۋدانىندا نازگۇل ءجۇنىسوۆا, المالى-2 بولىمىندە باعلان باستاعان حقو ەرىكتىلەرى 50-گە جۋىق وتباسىنا ازىق-ت ۇلىك, تۇرمىستىق زاتتارمەن قايى­رىمدىلىق كومەك جاسادى. ال المالى اۋداندىق ءبولىمىنىڭ ما­مانى, قازاقستاننىڭ قۇرمەتتى دو­نورى دينارا تۇرعاليقىزى كە­­زەكتى رەت دوناتسيا جاساپ, تالاي جاننىڭ ومىرىنە اراشا بولدى. وسىلايشا الماتى قالا­سى حالىققا قىزمەت كورسەتۋ ورتا­لىق­تارىنىڭ قىزمەتكەرلەرى ءوز دەن­ساۋلىقتارىن قاتەرگە تىگە وتى­­رىپ, قىزمەت الۋشىلارعا تەز ءارى ساپالى قىزمەت كورسەتۋمەن قاتار, قالا تۇرعىندارىن مو­رال­­دىق جانە پسيحولوگيالىق تۇر­عى­دان قولداپ, ماتەريالدىق دەمەۋ دە كور­سەتىپ ءجۇر.

«وسىنداي سىن ساعاتتاردى ەلمەن بىرگە بولىپ, قينالعاندارعا جاردەم بەرۋ پاتريوتتىق قانا ەمەس, عاجاپ ادامي قۇن­دى­لىقتار­دىڭ وزىق ۇلگىسى. اۋىز­بىر­­شى­لىگىمىزدى ساقتاپ, ءبىر-بىرى­مىزگە دەگەن مەيىرىمدىلىك, قايى­رىم­دى­لىق سىندى ىزگى قاسيەت­تەرى­مىز­دى جوعالتپاساق, قيىن­دىق­تىڭ قان­داي­ىنا دا قارسى تۇرا الارىمىز ءسوزسىز», دەيدى «ازاماتتارعا ارنال­عان ۇكىمەت» الماتى قالاسى في­­ليا­لىنىڭ PR-مەنەدجەرى جاڭىل اپەتوۆا.

الماتى