ەكونوميكالىق ءوسۋدى 2020 جىلدىڭ سوڭىنا دەيىن قالپىنا كەلتىرۋدىڭ كەشەندى جوسپارى جۇزەگە اسىرىلۋدا. بۇل تۋرالى ۇلتتىق ەكونوميكا ءمينيسترى رۋسلان دالەنوۆ ايتتى, - دەپ حابارلايدى Egemen.kz
"كەشەندى جوسپار 10 باعىت بويىنشا قارجىلىق جانە قارجىلىق ەمەس شارالاردى قامتيدى. بۇل وڭدەۋشى ونەركاسىپ, تاۋ-كەن مەتاللۋرگيا جانە اگروونەركاسىپتىك كەشەن, قۇرىلىس يندۋسترياسى, ازاماتتىق اۆياتسيا, لوگيستيكا, تۋريزم, شوب جانە قىزمەت كورسەتۋ سەكتورى, سونداي-اق الەۋمەتتىك سالا", دەدى رۋسلان دالەنوۆ.ءار سالا ءۇشىن وزەكتى ماسەلەلەردى جەدەل شەشۋ شارالارى قازىردىڭ وزىندە جۇزەگە اسىرىلۋدا. كەشەندى جوسپاردى ىسكە اسىرۋدا سالىقتىق ىنتالاندىرۋدى قوسقاندا, زاڭناماعا شۇعىل تۇزەتۋلەر پاكەتى قابىلداندى."بۇل شارالاردىڭ بارلىعى سىرتقى كۇيزەلىستەردىڭ جاعىمسىز سالدارىن ازايتۋعا باعىتتالعان. سونداي-اق كەشەندى جوسپار ەكونوميكا سالاسىنداعى جەدەل ماسەلەلەردى شەشۋگە, جۇمىسپەن قامتۋدى جانە كاسىپكەرلىكتى قولداۋعا مۇمكىندىك بەرەدى", دەدى مينيستر.