قۇربان ايت: قۇربان شالۋ ءراسىمى ونلاين ۇيىمداستىرىلادى

قالالىق ءدىن ىستەرى باسقارماسى قاسيەتتى قۇربان ايت مەرەكەسى قار­ساڭىندا قۇربان شالۋ ءتارتىبىن ءتۇسىندىردى.

سانيتارلىق-ەپيدەميا­­­­لىق احۋال­­عا بايلانىستى قا­لا مە­شىت­­تەرىندە 31 شىلدە كۇنى قۇر­بان ايت نامازى وقىلمايدى. قوعام­دىق قاۋىپسىزدىكتى, ادام­دار­دىڭ كوپ جينالماۋىن قامتاماسىز ەتۋ ماقساتىندا قالا اۋماعىندا ور­نالاسقان ءداستۇرلى قۇربان شا­لۋ ورىندارى (بازارلار, شارۋا قوجا­لىقتارى) جابىق بولادى.

«وسى ورايدا, العاش رەت قا­­­شىق­­تان قۇربان شالۋدى ۇيىم­­­داس­تىرۋ ماقساتىندا qurban2020.kz سايتى ىسكە قو­­­سىل­دى. اتالعان سايت­تا كەز كەل­­­گەن ازامات ونلاين تۇردە قۇر­­­بان شالۋعا تاپسىرىس بەرە الا­­دى. قۇرباندىققا سو­ي­ىل­عان ەت تۇ­گەلدەي الەۋمەتتىك كو­مەك­­كە مۇق­تاج وتباسىلارعا ۇلەس­­تى­­رى­لەدى», دەلىنگەن حابار­لا­ما­دا. Qurban2020.kz سايتىن­دا مۇقتاج جاندارعا ارنايى «قۇر­باندىق ەتىن الۋ ءۇشىن ءوتى­نىش قال­دىرۋ» فۋنكتسيا­سى دا ىس­كە قوسىلدى. ءتيىستى قۇجات­تار­­­دى جۇك­تەۋ ارقىلى مۇقتاج وت­با­سىلار الەۋمەتتىك كومەك الۋ ءۇشىن ونلاين ءوتىنىش جولداي الادى.

سونىمەن قاتار ەلوردا اۋما­­عىنا ساتۋ ماقساتىندا ءىرى قارا مال مەن قوي كىرگىزۋ شەكتە­لەدى. ءدىن ىستەرى باسقارماسى تۇر­­­­­عىن­­­داردى سا­ني­­­تارلىق-ەپيدە­ميا­لىق قا­­ۋىپ­­­سىزدىك ەرەجەلەرىن ساقتاۋعا شا­­­­قى­رادى.

بيىل قۇربان ايت مەرەكەسى 31 شىلدە مەن 2 تامىز ارالىعىندا وتەدى.