تامىز ايىنان باستاپ قازاقستاندىقتار گرۋزيا مەن تايلاندقا ۇشىپ بارا الادى. بۇل تۋرالى تۋريزم يندۋسترياسى كوميتەتىنىڭ توراعاسى داستان رىسپەكوۆ ايتتى, - دەپ حابارلايدى Egemen.kz
"وزدەرىڭىز بىلەتىندەي, 4 ماۋسىمنان باستاپ تۇركيا مەن وڭتۇستىك كورەياعا حالىقارالىق قاتىناس اشىلعان بولاتىن. 20 ماۋسىم مەن 4 شىلدە ارالىعىندا 622 قازاقستاندىق تۋريست تۋركومپانيالاردىڭ قىزمەتىن پايدالانىپ, تۇركيادا دەمالۋعا مۇمكىندىك الدى. وسىلايشا, تۋركومپانيالار تۋريستەر الدىنداعى ءوز مىندەتتەرىن باستادى. وكىنىشكە قاراي, ەپيدەميولوگيالىق جاعدايدىڭ ناشارلاۋىنا بايلانىستى تۇركياعا رەيستەر توقتاتىلدى. الايدا سوڭعى كۇندەرى ەپيداحۋالدىڭ جاقسارىپ كەلە جاتقانىنا بايلانىستى بىرقاتار ەلمەن حالىقارالىق رەيستەردى قالىپقا كەلتىرۋ جونىندە ماسەلەلەر قاراستىرىلۋدا. ونىڭ ىشىندە تامىز ايىندا تايلاند پەن گرۋزياعا رەيستەردى اشۋ جوسپارلانۋدا", - دەدى داستان رىسپەكوۆ