ەلىمىزدە قۇرىلىس باعىتىنداعى قۇجاتتاردى راسىمدەۋ مەرزىمى 5 ەسە قىسقاردى, - دەپ حابارلايدى Egemen.kz.
بۇرىنعىداي ءبىر قۇجاتتى قولعا الۋ ءۇشىن 103 كۇن ەمەس, 18 كۇن جەتەدى. ال ساۋلەت-جوسپارلاۋ تاپسىرماسى, توپوگرافيا جانە تەحنيكالىق جاعدايلارى بار جەر ۋچاسكەلەرىن بەرۋ ءۇشىن ءۇش ءراسىم بىرىكتىرىلدى.
وسىلايشا, قۇجات شارۋاسى 17 كۇنگە دەيىن قىسقارىپ وتىر. سونىمەن بىرگە, تەحنيكالىق تۇرعىدان قاراپايىم نىسانداردى سالۋعا جوبالىق-سمەتالىق قۇجاتتامانى ازىرلەۋ جانە ساراپتامادان ءوتۋ ءراسىمى تولىق الىنىپ تاستالدى.
مۇنىڭ ءبارى كاسىپكەرلىك احۋالدى جاقسارتۋ ماسەلەلەرى بويىنشا زاڭنامالىق اكتىلەرگە وزگەرىستەر مەن تولىقتىرۋلار ەنگىزىلگەننەن كەيىن قولجەتىمدى بولىپ وتىر.
سونىمەن قاتار بيزنەستەگى كەدەرگىلەردى ازايتۋعا, راسىمدەردى وڭايلاتۋ مەن مەملەكەتتىك قىزمەت الۋدىڭ ۋاقىتىن قىسقارتۋ ءۇشىن دە بۇل وزگەرىستىڭ ماڭىزى زور.