«تەڭىز» كەنىشىنەن مۇناي ءوندىرۋدى توقتاتپاعان «تەڭىزشەۆرويل» جشس بۇدان بۇرىن دا اتىراۋلىقتارعا بىرنەشە رەت قولداۋ كورسەتتى.
اسىرەسە قاۋىپتى ىندەتپەن كۇرەس باستالعالى بەرى جەرگىلىكتى مەديتسينا سالاسىن دەمەۋگە 2 ملرد تەڭگەدەن استام قارجى ءبولدى. سونداي-اق كومپانيا ەسەبىنەن پتر-تەست اپپاراتتارىن, رەانيموبيلدەر مەن جەدەل جاردەم كولىكتەرىن, تەرموسكانەرلەر مەن №2 وبلىستىق ينفەكتسيالىق اۋرۋحاناعا 6 وتتەگى كونتسەنتراتورىن ساتىپ الىپ بەردى. جاقىندا كاسىپورىن وڭىردەگى اۋرۋحانالاردى 40 وتتەگى كونتسەنتراتورىمەن قامتىدى.
ء«بىزدىڭ كومپانيانىڭ باسشىلارى اتىراۋ وبلىسىنا قوسىمشا كومەك رەتىندە 1 ملرد تەڭگەدەن استام قارجى بولۋگە شەشىم قابىلدادى. بۇل قارجى دەنساۋلىق ساقتاۋ سالاسىنىڭ مەكەمەلەرىنە قاجەتتى قوندىرعىلار مەن قۇرال-جابدىقتاردى ساتىپ الۋعا جۇمسالادى» دەگەن ەدى كومپانيانىڭ ۇكىمەتپەن جانە جۇرتشىلىقپەن بايلانىس ءبولىمىنىڭ باس مەنەدجەرى رزابەك ارتىعاليەۆ.
وتكەن اپتادا «تەڭىزشەۆرويل» اتىراۋعا 1 ملرد تەڭگەنىڭ ءدارى-دارمەگى مەن قورعانىش قۇرالدارىن اكەلدى. بۇل جۇك اتىراۋ قالاسىنا تاياۋ ورنالاسقان گەولوگ كەنتىندەگى ەمحانانىڭ قويماسىنا ءتۇسىرىلدى. سول جەردەن وزگە ەمدەۋ ورىندارىنا جەتكىزىلەدى. «قورعانىش قۇرالدارىنىڭ بارلىعى گەرمانيادان شىعارىلعان. ونىڭ اراسىندا «Tyvek» (Dupont) ماركالى قورعانىش كوستيۋمىنىڭ XL مولشەرلى 5 مىڭ داناسى, S مولشەرلى قولعاپتىڭ 30 مىڭ جۇبى, شاشتى جيناقتاۋعا ارنالعان شىلتەرلى توردىڭ 1700 داناسى, وكپەنى جاساندى جەلدەتۋ اپپاراتىنا ارنالعان مەديتسينالىق بەتپەردەنىڭ (Lowenstein Medical Tehnology Gmbn+Co. KG) م مولشەرلى 250 داناسى جانە وسىنداي بەتپەردەنىڭ L مولشەرلى 250 داناسى بار» دەپ حابارلادى كومپانيانىڭ ءباسپاسوز قىزمەتى.
اتىراۋ وبلىسى