ستاتسيونارلاردا COVID-19 ەمدەۋگە ارنالعان ءدارى-دارمەكتىڭ ايلىق قورى بار. سونىمەن قاتار, تاعى 3 ايعا رەزەرۆ قۇرۋ ماقساتىندا وتاندىق وندىرۋشىلەردەن دە, يمپورتتاۋشىلاردان دا مەديتسينالىق پرەپاراتتاردى ساتىپ الۋ پروتسەدۋرالارى قاتار جۇرگىزىلەدى. بۇل تۋرالى دەنساۋلىق ساقتاۋ مينيسترلىگى حابارلادى, - دەپ جازادى Egemen.kz
الداعى ۋاقىتتا پاتسيەنتتەردىڭ بولجامدى سانى بويىنشا جىل سوڭىنا دەيىن بارلىق اۋرۋحانالاردى ءدارى-دارمەكپەن قامتاماسىز ەتۋ ءۇشىن بىرىڭعاي ديستريبيۋتور قويمالاردى تولتىرادى.COVID-19 ەمدەۋ بويىنشا امبۋلاتوريالىق دەڭگەيدە قوسىمشا 5 ءتۇرلى دارىمەن قامتاماسىز ەتىلەدى. بۇل شامامەن 1 ملن ادامدى قامتيدى, ولارعا 8,6 ملرد تەڭگەدەن استام سوماعا ءدارى-دارمەك تەگىن بەرەدى.ايتا كەتۋ كەرەك, 2020 جىلدىڭ ءبىرىنشى جارتىجىلدىعىندا جرۆي جانە اۋرۋحانادان تىس پنەۆمونيا دياگنوزى قويىلعان 45 مىڭ ادام 21 ملن تەڭگەدەن استام سوماعا تەگىن ءدارى-دارمەك الدى.