نۇر-سۇلتان اكىمدىگى №3 كوپسالالى قالالىق اۋرۋحانانىڭ «رامادا پلازا» جۇقپالى اۋرۋلار ستاتسيونارىنداعى ناۋقاستار ءۇشىن 500 كوپفۋنكتسيالى كەرەۋەت ساتىپ الدى.
ولار بارلىق زاماناۋي تالاپتارعا ساي. كەرەۋەتتەر ءدارى-دارمەك شتاتيۆتەرىمەن جابدىقتالعان. پايدالانۋعا وتە ىڭعايلى جانە ەركىن قوزعالادى. قازىرگى ۋاقىتتا استانادا توسەكتىك ورنى 4 مىڭعا جۋىق 16 ستاتسيونار جۇمىس جاسايدى. مەملەكەت باسشىسىنىڭ تاپسىرماسىمەن نۇر-سۇلتاننىڭ اۋرۋحانالارى مەن ەمحانالارىنا كوروناۆيرۋس پەن پنەۆمونيامەن اۋىرعانداردى ەمدەۋ ءۇشىن قوسىمشا مەديتسينالىق جابدىقتار الىندى. ولاردىڭ ىشىندە 150 فلۋومەتر, 350-دەن استام وتتەگى كونتسەنتراتورى, وكپەنى جاساندى تىنىستاندىرۋعا ارنالعان 50 اپپارات جەتكىزىلەدى. سونداي-اق جاقىن كۇندەرى قالا اۋرۋحانالارى مەن ەمحانالارىنا تاعى 250-دەن استام وتتەگى كونتسەنتراتورى, 350 فلۋومەتر, 2 كومپيۋتەرلىك توموگراف جانە ت.ب. جابدىقتار الىنادى. سونىمەن قاتار قالاداعى دارىحانالارعا كوروناۆيرۋسپەن, پنەۆمونيامەن ناۋقاستانعانداردى ەمدەۋ ءۇشىن 80 توننادان استام ءدارى-دارمەك كەلىپ ءتۇستى. بۇل گۋمانيتارلىق جۇك سانالمايدى, ءدارىحانالار جەلىسى ديستريبيۋتورلارىنىڭ قارجىسى ەسەبىنەن الىنعان. اكىمدىك تاراپىنان ءدارى-دارمەكتى ساتىپ الۋعا قارجى ءبولىنىپ, كولىكپەن جەتكىزۋگە كومەك كورسەتىلۋدە. بۇگىن-ەرتەڭ قالاعا قوسىمشا دارىلەر جەتكىزىلەدى. بۇل باعىتتاعى جۇمىستار تۇراقتى باقىلاۋدا.