قازاقستان مەن رەسەي بىرلەسكەن جوبانى قۇجات جۇزىندە بەكىتتى. ەندى جامبىل وبلىسىندا مينەرالدى تىڭايتقىشتار زاۋىتى سالىنباق, - دەپ حابارلايدى Egemen.kz.
كاسىپورىن 1200 ادامدى جۇمىسپەن قامتيدى دەپ كوزدەلۋدە. زاۋىت ەلىمىزدىڭ وڭتۇستىگىندەگى قاراتاۋ فوسفوريت كەن ورىندارىن يگەرىپ, قۋاتى 1 ملن تونناعا دەيىن مينەرالدى تىڭايتقىش ءوندىرۋدى كوزدەيدى. بۇگىنگە دەيىن 270 ملن دوللار ينۆەستيتسيا قۇيىلعان, تاعى 800 ملن دوللار جۇمسالماق. ءوندىرىس وشاعى ايماقتاعى اۋىل شارۋاشىلىعى سالاسىنىڭ دامۋىنا ۇلەس قوسىپ, ەكسپورتتىق الەۋەتىن ارتتىرۋعا ىقپال ەتەدى.