ەكونوميكالىق تەرگەۋ دەپارتامەنتى مەن قالالىق پروكۋراتۋرا بىرلەسە ۇيىمداستىرعان جەدەل ىزدەستىرۋ بارىسىندا, ءدارى قاپتاماسىنا ارنالعان ماتەريال وندىرەتىن باسپاحانا مەن پرەپارات ساقتايتىن قويما تابىلدى, - دەپ حابارلايدى Egemen.kz قازاقستان ۇلتتىق ارناسىنا سىلتەمە جاساپ.
زاڭسىز جاسالعان 100 تونناداي ءدارى-دارمەك پەن 8 جارىم ميلليون دانا ماسكا تاركىلەنگەن. حالىققا جاساندى ءدارى ساتپاق بولعاندار زاڭسىز كاسىپكەرلىكپەن اينالىسقانى ءۇشىن 5 مىڭ ايلىق ەسەپتى كورسەتكىش كولەمىندە ايىپپۇل ارقالايدى نەمەسە 5 جىلعا دەيىن باس بوستاندىعىنان ايىرىلۋى مۇمكىن.
ەسكە سالايىق, وسىعان دەيىن اتىراۋ وبلىسىندا دا ءدارى-دارمەك باعاسىن اسپانداتقان 16 ءدارىحانا يەسى جاۋاپكەرشىلىككە تارتىلعان ەدى. ولارعا 2 جارىم ميلليون تەڭگەدەن استام ايىپپۇل سالىندى. مۇنداي جاعداي قايتالانسا, ءدارىحانالار ليتسەنزياسىنان ايىرىلادى, دەيدى جەمقورلىققا قارسى ءىس-قيمىل اگەنتتىگىنىڭ وكىلدەرى.