نۇروتاندىقتار وڭىرلەرگە كومەك كورسەتۋدە

Nur Otan پارتياسىنىڭ مۇشەلەرى, «جارقايىن» جشس باسشىسى ۆيتالي كامىشانسكي جانە "پيششەپرومتورگ" جشس باسشىسى يۆان پوپوۆ اقمولا وبلىسى جارقايىڭ اۋدانىنىڭ پروۆيزورلىق ستاتسيونارىنا 5 وتتەگى كونتسەنتراتورىن تابىستادى. اپپاراتتاردى ساتىپ الۋعا 2,5 ميلليون تەڭگەدەن استام قارجى بولگەن. بۇل اپپاراتتار جەرگىلىكتى كاسىپكەرلەردىڭ, اۋدان تۇرعىندارىنىڭ جانە پارتيالىقتاردىڭ ءوز قاراجاتى ەسەبىنەن ساتىپ الىندى.

"بۇل اپپاراتتار ناۋقاستارعا وتە قاجەت. ەندى ءبىزدىڭ اۋرۋحانادا 5 وتتەگى كونتسەنتراتورى بار. بۇل اپپاراتتار وكپەسى قابىنىپ, وتتەگى جەتىسپەۋشىلىگىنەن جاعدايلارى قيىنداعان ناۋقاستارعا كومەكتەسەدى", - دەپ  اۋرۋحانا باس دارىگەرىنىڭ مىندەتىن اتقارۋشى ماحامبەت دوسمۇراتوۆ جارقايىڭ اۋدانىنىڭ پروۆيزورلىق ستاتسيونارىنا كومەك قولىن سوزعان جەرگىلىكتى كاسىپكەرلەرگە العىسىن ءبىلدىردى.

ء"بىز ءۇشىن مۇنداي دەمەۋشىلىك كومەك ءاردايىم قۇندى, ويتكەنى تۇنگى ۋاقىتتا بىزگە اۋىر حالدەگى پاتسيەنتتەر كەلىپ تۇسەدى, ولارعا كونتسەنتراتورلار قاجەت. ال مۇنداي ءپورتاتيۆتى كونتسەنتراتورلار وتە ىڭعايلى, ءبىز ولاردى كەز كەلگەن جەرگە اپارا الامىز جانە پاتسيەنتكە جەتكىزە الامىز", - دەدى ماحانبەت ماناس ۇلى.

سونىمەن قاتار, Nur Otan پارتياسىنىڭ ەلوردالىق فيليالى  كوپ بالالى 3 وتباسىعا جانە بالالارعا الەۋمەتتىك كومەك كورسەتتى. ولارعا بارلىق قاجەتتى ءدارى-دارمەكتەر (ىستىقتى تومەندەتەتىن ءدارى-دارمەكتەر, ۆيتاميندەر, مەديتسينالىق ماسكالار, قولعاپتار جانە ت.ب.), ازىق-ت ۇلىك-شارۋاشىلىق سەبەتتەر, كەڭسە تاۋارلارى جانە بالالارعا ارنالعان تاتتىلەر جەتكىزىلدى.

Nur Otan پارتياسىنىڭ بارلىق مۇشەلەرىنىڭ جاسى مەن قىزمەت سالاسى ءار ءتۇرلى بولعانىمەن ولاردى بىرىكتىرەتىن – كومەكتەسۋگە دەگەن نيەت.