الماتىنىڭ بارلىق كلينيكالارىندا وتتەگىنىڭ ورتالىقتان بەرىلۋىن قامتاماسىز ەتۋ كەرەك, – دەيدى الماتى قالاسىنىڭ اكىمى ب.ساعىنتاەۆ. بۇل تۋرالى "الماتى" تەلەارناسىنىڭ Akimat Live باعدارلاماسىنا قاتىسقان قالا اكىمى باقىتجان ساعىنتاەۆ حابارلادى.
ساپالى ەمگە اسەر ەتەتىن فاكتورلاردىڭ ءبىرى – ول ناۋقاستاردى مەديتسينالىق وتتەگىمەن قامتاماسىز ەتۋ. وسىعان بايلانىستى, بۇل ماسەلەنى جۇيەلى تۇردە شەشۋ ءۇشىن مەديتسينالىق ۇيىمدارعا وتتەگى ستانتسيالارىن ورناتۋ بويىنشا قالالىق باعدارلاما قابىلداندى. وسىنىڭ ارقاسىندا ءبىرىنشى ەشەلونداعى جاتىن ورىنداردىڭ 100%-ى وتتەگىمەن قامتىلادى.
"ەگەر كلينيكالاردا قاجەتتى كولەمدە ستانتسيا جۇمىسىن قامتاماسىز ەتە الاتىن ءوز وتتەگى ستانتسياسى بولسا, وندا ول جۇيەنى رەتتەۋ كەرەك. ول ءۇشىن قارجى دا ءبولىندى. 10 قىركۇيەككە دەيىن اۋىر جاعدايداعى ناۋقاستارمەن جۇمىس ىستەيتىن ءبىرىنشى ەشەلونداعى 8 كلينيكا ورتالىقتاندىرىلعان وتتەگى بەرۋ جۇيەسىنىڭ ستاتسيونارلارىمەن قامتاماسىز ەتىلەدى. ەكىنشى كەزەڭدە ءبىز ەكىنشى ەشەلونداعى كلينيكالاردى وتتەگىمەن قامتاماسىز ەتۋگە كوشەمىز, سول ارقىلى بۇل ماسەلەنى شەشەمىز", - دەپ اتاپ ءوتتى اكىم.