جۇمىسپەن قامتۋ ماسەلەلەرى بويىنشا قايدا حابارلاسۋعا بولادى؟

"قازىر جۇمىسپەن قامتۋ ورتالىعىنا كەلۋدىڭ, تىركەلۋدىڭ قاجەتى جوق. ورتالىق ۇسىناتىن بارلىق قىزمەت ونلاين رەجىمدە وتەدى. 57-88-88 تەلەفونى ارقىلى بايلانىسۋعا بولادى. قوڭىراۋ شالىپ, قاجەتتى قىزمەتتى تاڭداپ, ءوتىنىم قالدىرىڭىز. سودان كەيىن ءبىزدىڭ ماماندار سىزگە قوڭىراۋ شالىپ, ءوتىنىم بويىنشا جۇمىس ىستەيدى. جۇمىسسىزداردى تىركەۋ جانە جۇمىسقا ورنالاستىرۋ ءۇشىن بىزدە ءتورت قالالىق تەلەفون: 95-44-20, 57-86-19, 72-93-57 جانە 72-93-50, سونداي-اق ەكى ۇيالى تەلەفون: 8-777-116-82-76 جانە 8-777-116-82-73. وقۋ جانە گرانت ءبولۋ بويىنشا مىنا تەلەفوندارعا حابارلاسىڭىز: 95-44-24, 95-44-16, 95-44-18, ۇيالى تەلەفون: 8-702-513-61-19. تولىق اقپاراتتى جۇمىسپەن قامتۋ ورتالىعىنىڭ cz.astana.kz سايتىنان الۋعا بولادى", دەپ ءتۇسىندىردى ا.بايتاسوۆ.

سونداي-اق ول جۇمىسقا ورنالاسقىسى كەلەتىندەرگە كوپتەگەن بوس جۇمىس ورنى بار ەكەنىن ايتتى. جۇمىسشىلار, قۇرىلىسشىلار, جۇرگىزۋشىلەر, مەرچەندايزەرلەر سۇرانىسقا يە. ەستەرىڭىزگە سالا كەتەيىك, تەك "جۇمىسپەن قامتۋدىڭ جول كارتاسى – 2020-2021" باعدارلاماسى بويىنشا قازىرگى ۋاقىتتا شامامەن 3 مىڭ مامان قاجەت. سونىمەن قاتار ستۋدەنتتەر جۇمىسقا ورنالاسا الادى. جۇمىسپەن قامتۋ ورتالىعى قىزمەتكەرلەرى بوس جۇمىس ورنىن تابۋعا كومەكتەسۋ ءۇشىن جۇمىسسىز رەتىندە تىركەلۋ كەرەك.

"جۇمىسسىز رەتىندە تىركەلۋ ءۇشىن جۇمىسپەن قامتۋ ورتالىعىنىڭ call-ورتالىعىنا 57-88-88 تەلەفونى ارقىلى حابارلاسۋ كەرەك. وندا ءسىز ءوتىنىمدى, ياعني تەگىڭىز, اتىڭىز, اكەڭىزدىڭ اتى, جسن جانە تەلەفون ءنومىرىن قالدىراسىز. سودان كەيىن ءبىزدىڭ ماماندار سىزگە قوڭىراۋ شالىپ, قۇجاتتاردى سۇرايدى: سىزدە ديپلوم, ەڭبەك كىتاپشاسى, انىقتاما جانە قالادا تىركەۋ بولۋى كەرەك. ءبىز ءسىزدى تەك وسى جاعدايدا تىركەيمىز", دەيدى ا.بايتاسوۆ.

ونىڭ ايتۋىنشا, جۇمىسسىزدارعا جاردەماقى جارنالارى مەن ساقتاندىرۋ قورىنا قاتىسۋ مولشەرىنە بايلانىستى تاعايىندالادى. وسى جانە وزگە دە سۇراقتارعا تولىعىراق جاۋاپتى نۇر-سۇلتان قالالىق اكىمدىگىنىڭ Instagram-داعى رەسمي پاراقشاسىنان تىكەلەي ەفيردە كورە الادى.