قالانىڭ بارلىق تۇرعىنى مەملەكەتتىك باعدارلاماعا تۇرعىلىقتى جەرى بويىنشا تىركەۋمەن نەمەسە تىركەۋ قاعازى بولماسا دا قاتىسا الادى. بۇل تۋرالى ەلوردا اكىمدىگىنىڭ رەسمي سايتى حابارلايدى, دەپ جازادى Egemen.kz
بۇگىنگى تاڭدا "جۇمىسپەن قامتۋدىڭ جول كارتاسى – 2020-2021" باعدارلاماسى اياسىندا 107 ينفراقۇرىلىم نىساندارىندا جۇمىستار جۇرگىزىلۋدە. قول ەڭبەگىنە سۇرانىس جوعارى.
"جۇمىس كۇشىنىڭ تاپشىلىعى, ماماندار جەتىسپەۋشىلىگى بايقالۋدا. "جۇمىسپەن قامتۋدىڭ جول كارتاسىنىڭ" ارقاسىندا كەلىسىمگە قول قويىلدى. قازىر جۇمىسپەن قامتۋ ورتالىعى بىزگە دانەكەرلەۋشىلەردى, ەلەكتريكتەردى, جالپى جۇمىسشىلاردى جىبەرۋدە. ءبىز ولاردى وسى باعدارلاما بويىنشا جۇمىسقا الامىز", دەيدى ASTI كومپانياسىنىڭ ينجەنەرى رۋسلان زۋلپيكاروۆ.
ەلەكتريك ماكسيم ۆەسەلكوۆ ۇزاق ۋاقىت جۇمىس تابا الماعانىن ايتادى. دوستارى وعان جۇمىسپەن قامتۋ ورتالىعىنا حابارلاسۋعا كەڭەس بەرگەن. ول ورتالىقتا جۇمىسسىزدىق بويىنشا تىركەۋگە الىندى.
ء"بىراز ۋاقىتتان كەيىن ولار ماعان قوڭىراۋ شالىپ, وسىندا جۇمىس ىستەۋدى ۇسىندى. ماعان جۇمىس شارتتارى ۇنادى, مەديتسينالىق تەكسەرىستەن ءوتىپ, قۇجاتتاردى كۇتكەندەي تاپسىردىم. قازىر ەلەكتريك بولىپ جۇمىس ىستەيمىن. ماعان جۇمىس ۇنايدى, جالاقىم ۋاقتىلى. ارنايى جۇمىس كيىمى بەرىلدى", دەيدى م. ۆەسەلكوۆ.
ەلوردادا "جۇمىسپەن قامتۋدىڭ جول كارتاسى" (جقجك) ىسكە اسىرىلۋدا. بۇگىنگى تاڭدا 3929 ادام جۇمىسپەن قامتىلدى. 94 ۇيىممەن نيەت حاتتامالارى جاسالدى. قازىرگى ۋاقىتتا جقجك-دا 3 مىڭنان استام بوس جۇمىس ورنى بار, دەپ حابارلايدى ەلوردانىڭ جۇمىسپەن قامتۋ ورتالىعى.
"قۇرىلىس كومپانياسى رەتىندە ءبىز ءۇشىن جول كارتاسى ۇلكەن كومەك. بۇگىندە ءبىز 70-تەن استام ادامدى جۇمىسپەن قامتىپ وتىرمىز جانە مۇنىمەن توقتاپ قالمايمىز. ءبىزدىڭ جۇمىسىمىز ودان دا كوپ جۇمىس كۇشىن كەرەك ەتەدى, شامامەن 80 ادامعا قاجەت. وسى مۇمكىندىكتى پايدالانىپ, جۇمىسقا مۇقتاجداردىڭ بارلىعىنان جۇمىسپەن قامتۋ ورتالىعىنا حابارلاسۋدى سۇرايمىن. ءبىز قۇرىلىس جۇمىستارىندا بۇرىن-سوڭدى ىستەمەگەندەردى دە وقىتىپ, كاسىبي باعدار بەرەمىز. قازىر ولار دا تابىستى جۇمىس جاساۋدا", دەدى ر.زۋلپيكاروۆ.
ەلوردانىڭ بارلىق تۇرعىندارى تۇرعىلىقتى جەرى بويىنشا تىركەۋمەن دە, ونسىز دا جقجك مەملەكەتتىك باعدارلاماسىنا قاتىسا الادى. انىقتامالىق اقپاراتتى بىرىڭعاي بايلانىس ورتالىعىنىڭ 57 88 88 نەمەسە 8776 146-28-62, 8747-108-21-96, 57-88-89, 72-93-62, 57-89-37 تەلەفوندارى ارقىلى الۋعا بولادى.