الماتىدا ۆيرۋس جۇقتىرعانداردىڭ جارتىسىنان استامى ساۋىقتى. بۇل تۋرالى وڭىرلىك كوممۋنيكاتسيالار قىزمەتى وتكىزگەن ونلاين-بريفينگ بارىسىندا قالالىق دەنساۋلىق ساقتاۋ باسقارماسىنىڭ باسشىسى كامالجان نادىروۆ مالىمدەدى.
«الماتى قالاسى كوروناۆيرۋسپەن كۇرەستە بار كۇش-جىگەرىن سالىپ وتىر. قالا بويىنشا ەپيدەميالىق جاعداي شيەلەنىسكەن, بىراق رەتتەلۋدە. قازىر كورسەتكىشتەر تۇراقتاندى, جۇيەلى جۇمىستار اتقارىلۋدا. بۇگىندە الماتىداعى ەپيدەميالىق جاعداي كەلەسىدەي: قازىر قالادا 9634 COVID-19 جاعدايى تىركەلگەن. تاۋلىك ىشىندە 241 جاعداي انىقتالدى. 5667 ادام نەمەسە ناۋقاستاردىڭ 60%-ى ساۋىققان سوڭ اۋرۋحانادان شىعارىلدى, تاۋلىگىنە 379 پاتسيەنت ەمدەۋدەن بوساتىلدى. كوروناۆيرۋستان قايتىس بولعاندار سانى 73 ادامدى قۇرايدى. كۆي سيمپتومدارىمەن ۇيدە ەم الىپ جاتقان 2446 ادام باقىلاۋدا, ولاردىڭ ىشىندە سيمپتومسىزدار سانى – 1762 جانە سيمپتومدارىمەن 684 پاتسيەنت بار, نەگىزىنەن ولار جەڭىل سىرقاتتانعان جاندار. بۇگىندە جالپى ىندەتكە ارنالعان 6001 توسەكتىك ورىن بولسا, ونىڭ 49%-ى بوس ەمەس», دەدى ك.نادىروۆ.
الماتى