مۇناي سوڭعى رەت داعدارىستىڭ اۋىر كەزەڭى باستالعانعا دەيىن, 9 ناۋرىزدا وسىنداي باعادا ساتىلعان ەدى, دەپ حابارلايدى Egemen.kz ربك اگەنتتىگىنە سىلتەمە جاساپ.
لوندونداعى ICE بيرجاسىندا Brent ماركالى مۇنايدىڭ قىركۇيەكتەگى فيۋچەرس باعاسى 3,32% ءوسىپ, ياعني ءبىر باررەلى 44,62 اقش دوللارى بولدى.
مۇنى بيرجاداعى ساۋدا-ساتتىق مالىمەتتەرىنەن كورەمىز. WTI ماركالى امەريكالىق مۇناي فيۋچەرسىنىڭ قىركۇيەك ايىنداعى جەتكىزىلىمدەرى 3,18%-عا كوتەرىلىپ, باررەلى 42,22 اقش دوللارىن قۇرادى.
مۇناي باعالارى شيكىزاتقا سۇرانىستىڭ ودان ءارى قالپىنا كەلۋىنە بايلانىستى وسۋدە. ۆاكتسينانى ءساتتى سىناقتان وتكىزۋ ناتيجەسى تۋرالى جاقسى جاڭالىق پەن ەو ەكونوميكاسىن ىنتالاندىرۋدىڭ جاڭا باعدارلاماسىن قابىلداۋى مۇناي نارىعىنا ناۋرىز ايىنىڭ باسىنداعى دەڭگەيگە قايتا ورالۋعا سەپتىگىن تيگىزدى.
ەۋرووداق ەلدەرى ءتورت كۇندىك كەلىسسوزدەردەن كەيىن كوروناۆيرۋس پاندەمياسىنان زارداپ شەككەن ەكونوميكانى قالپىنا كەلتىرۋ جوسپارىن قابىلدادى. 21 شىلدەدە ەۋرووداق كوشباسشىلارى الداعى بەس جىلعا ارنالعان بيۋدجەتتى ماقۇلداپ, ەكونوميكانى قالپىنا كەلتىرۋ قورىن قۇرۋ تۋرالى كەلىستى.
ءبىر اي قۇلدىراۋدان كەيىن مۇناي باعاسى ناۋرىز ايىنان باستاپ ەڭ جوعارعى دەڭگەيگە جەتتى, ەندى Brent ماركالى مۇناي باررەلىنە 46 اقش دوللارى دەڭگەيگە شەيىن ءوسۋى مۇمكىن, دەپ بولجايدى ساراپشىلار.