كەشە مۇنايلى وڭىردەگى حالىقارالىق اۋەجايدان ۇشقان ان-12 ۇشاعىنان قارا ءتۇتىن كورىندى. بۇل تۋرالى الەۋمەتتىك جەلىدە جاريالانعان ۆيدەودان بەلگىلى بولدى, - دەپ جازادى Egemen.kz
وسىعان وراي اتىراۋ حالىقارالىق اۋەجايىنىڭ ينجەنەرلىك-اۆياتسيالىق قىزمەتىنىڭ باستىعى اندرەي كيم تۇسىنىك بەردى. ونىڭ مالىمەتىنشە, كەشە تۇستەن كەيىن اۋەجايدان ان-12 جۇك ۇشاعى ۇشىپتى.
"ۇشۋ رەجيمىندە قوسپانىڭ ادەتتەگى بايىتىلۋى ورىن الادى. سونىڭ ناتيجەسىندە شىعارىندى پايدا بولادى. بۇل – قالىپتى جاعداي, كەڭەستىك كەزەڭدە شىعارىلعان ۇشاقتىڭ بارلىعىندا بار. ۇشاق بيىككە كوتەرىلىپ, نومينالدى رەجيمگە تۇسكەننەن كەيىن, قارا ءتۇتىن جوعالادى. سوندىقتان, الاڭداۋعا ەش سەبەپ جوق", - دەدى اندرەي كيم.