وبلىس اكىمى ماحامبەت دوسمۇحامبەتوۆتىڭ تاپسىرماسىمەن تەگىن ءدارى-دارمەكتەردى اتىراۋ قالاسى مەن جەتى اۋداننان 3000 وتباسىعا تاراتۋ كوزدەلىپتى. ءدارى-دارمەكتەردىڭ قۇنى 30 ملن تەڭگەنى قۇرايدى, - دەپ حابارلايدى Egemen.kz.
"مەملەكەت ازاماتتارىمىزدى قولداۋدى ءبىر ءسات تە توقتاتپايدى. بۇل ايماق باسشىسى ماحامبەت دوسمۇحامەتوۆتىڭ باستاماسىمەن جانە ء"بىز بىرگەمىز" وبلىستىق قورىمەن بىرلەسىپ جۇزەگە اسىرىلۋدا. ء بىر-بىرىمىزگە كومەك قولىن سوزىپ, وسىنداي قيىن ۋاقىتتا قولداۋ كورسەتۋ - ءبارىمىزدىڭ ورتاق مىندەتىمىز, پاتريوتتىق پارىزىمىز. ءبىز بۇقارانىڭ الەۋمەتتىك از قامتىلعان 7 ساناتىن ءدارى-دارمەكپەن قامتاماسىز ەتۋدى جوسپارلاپ وتىرمىز. بۇل يگى باستاما الداعى ۋاقىتتا دا جالعاسىن تابادى", - دەدى وبلىس اكىمىنىڭ ورىنباسارى باقىتگۇل حامەنوۆا.
"Jas Otan" جاستار قاناتىنىڭ ەرىكتىلەرى مەن 50-گە اۆتو-ەرىكتى 30 ءتۇرلى ءدارى-دارمەك سالىنعان پاكەتتى الەۋمەتتىك از قامتىلعان وتباسىلاردىڭ 7 ساناتىنا تاراتۋدى باستادى. اتاپ ايتقاندا, اسا مۇقتاج جاندارعا, كوپبالالى جانە تابىسى از وتباسىلار, ءبىرىنشى توپتاعى مۇمكىندىگى شەكتەۋلى جاندارعا, ەرەكشە بالالارى بار وتباسىلار, تومەن زەينەتاقى الاتىن جانە الەۋمەتتىك از قامتىلعان توپقا كىرەتىن زەينەتكەرلەر, جەتىم بالالار, تىل ەڭبەككەرلەرى مەن ەكىنشى دۇنيەجۇزىلىك سوعىسقا قاتىسقاندار مەن ولارعا تەڭەستىرىلگەندەر قامتىلادى.
"ۆولونتەرلار ءدارى-دارمەكتەردى جەتكىزۋدى ءبىر كۇن بۇرىن باستادى. ءار جيىنتىقتا ماسكا, دەنە قىزۋىن تۇسىرەتىن, سونداي-اق, جوتەلدى باساتىن ءدارى-دارمەكتەر بار", - دەدى ەرىكتىلەر شتابىنىڭ جەتەكشىسى ايگەرىم جاردەمقىزى.