"ۇكىمەتارالىق كەڭەس ەۋرازيالىق ەكونوميكالىق وداقتا كوروناۆيرۋستىڭ تارالۋىن بولدىرماۋ ءۇشىن دەنساۋلىق ساقتاۋ جانە حالىقتىڭ سانيتارلىق-ەپيدەميالىق سالاۋاتتىلىعى سالاسىنداعى كەشەندى ءىس-شارالار جوسپارىن بەكىتتى, دەپ حابارلايدى Egemen.kz ەەك سايتىنداعى دەرەككوزدەرگە سىلتەمە جاساپ.
اقپارات الماسۋ, ينفەكتسيالىق اۋرۋلاردىڭ الدىن-الۋ ءۇشىن كەلىسىلگەن الگوريتمدى ەنگىزۋ جانە زەرتحانالىق زەرتتەۋلەرگە ۇسىنىستار ازىرلەۋ جوسپارلانۋدا.
بىرلەسكەن عىلىمي زەرتتەۋلەر ساپالى, قاۋىپسىز, ءتيىمدى دياگنوستيكا مەن ۆاكتسينالارعا, سونداي-اق جۇقپالى اۋرۋلارمەن كۇرەسۋدىڭ تەحنيكالىق قۇرالدارىنا قول جەتىمدىلىكتى قامتاماسىز ەتۋ ءۇشىن جوسپارلانعان. ەاەو مەملەكەتتەرىنىڭ مامانداندىرىلعان ۇيىمدارىنىڭ ماماندارى ءۇشىن بەلگىلى جانە جاڭا جۇقپالى اۋرۋلاردىڭ پايدا بولۋىنا دەن قويۋدى, قاۋىپتى ينفەكتسيالارمەن كۇرەسۋ ءۇشىن تىركەلگەن مەديتسينالىق قۇرىلعىلاردىڭ رەسمي وندىرۋشىلەرى تۋرالى رەسمي اقپاراتتى ورنالاستىرۋ ءۇشىن بىرلەسكەن جاتتىعۋلار وتكىزۋ جوسپارلانۋدا.
جوسپارعا ەنگىزىلگەن شارالاردىڭ ورىندالۋى وداقتا COVID-19-مەن عانا ەمەس, سونىمەن بىرگە باسقا دا جۇقپالى اۋرۋلارمەن كۇرەستە قاجەت بولاتىن ەاەو ەلدەرىنىڭ دەنساۋلىق ساقتاۋ جۇيەسىنىڭ ءبىرتۇتاس الەۋەتىن نىعايتۋعا كومەكتەسەدى. كەشەندى جوسپاردىڭ بىرلەسكەن ءىس-شارالارىن جۇزەگە اسىرۋ بولاشاقتاعى ىندەتتىڭ الدىن الۋعا كومەكتەسەدى.