رەسەيمەن شەكارالاس قۇرمانعازى اۋدانىندا قايىق اۋدارىلىپ, 1979 جىلعى ەر ادام سۋعا كەتىپ قالدى. وبلىستىق توتەنشە جاعدايلار دەپارتامەنتىنىڭ مالىمەتىنشە, وزەن ۇستىندەگى وقيعا كەشە, 15 شىلدەدە ساعات 21:56-دا قۇرمانعازى اۋدانىندا بولىپتى.
"قيعاش وزەنىنىڭ بىرلىك اۋىلدىق وكرۋگىندەگى ياگودكين ۋچاسكەسىنىڭ تۇسىندا قايىق اۋدارىلىپ, 41 جاستاعى ەر ادام سۋعا باتىپ كەتكەن. ول وزەندى قايىقپەن كەسىپ وتپەك بولعان. بۇگىن ساعات 06:30-دا سۋعا باتقان ادامدى ىزدەۋ باستالدى. ىزدەستىرۋ جۇمىسىنا جەدەل قۇتقارۋ جاساعىنىڭ 4 قىزمەتكەرى مەن 1 ءجۇزۋ قۇرالى تارتىلدى" - دەپ حابارلادى دەپارتامەنتتىڭ ءباسپاسوز قىزمەتىنەن.