بۇگىن تۇندە "اتىراۋ-ورال" تاس جولىندا "Toyota Camry" كولىگى اۋدارىلىپ, وقيعا ورنىندا ەكى ادام كوز جۇمدى. ال, جول-كولىك اپاتىنان العان جاراقاتپەن اۋرۋحاناعا تۇسكەن ەكى ادام دا باقيلىق بولدى.
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, قايعىلى وقيعانىڭ بۇگىن, 16 شىلدەدەساعات 00:30 شاماسىندا "اتىراۋ-ورال" تاس جولىنىڭ اتىراۋ قالاسىنا كىرەبەرىسىندە بولعانى انىقتالىپ وتىر.
"كولىكتى 1999 جىلى تۋعان ازامات باسقارعان. ول باسقارۋ جۇيەسىن يگەرە الماي, كولىگىن اۋدارىپ العان. جول-كولىك وقيعاسىنان ەكى جولاۋشى وقيعا ورنىندا مەرت بولدى. كولىك جۇرگىزۋشىسى مەن ءبىر جولاۋشى وبلىستىق اۋرۋحانانىڭ جانساقتاۋ بولىمشەسىندە كوز جۇمدى. قازىرگى كەزدە تاعى ءبىر جولاۋشى ءار ءتۇرلى دەنە جاراقاتىمەن اۋرۋحانانىڭ جانساقتاۋ بولىمىندە جاتىر" -دەپ حابارلادى ءباسپاسوز قىزمەتىنەن.